„ხელისუფლება ენგურის ხიდის დაკეტვას გეგმავს… მიმდინარეობს ფარული მოლაპარაკება გალის დეფაქტო გამგებელთან“ – რა იგეგმება მეორე ტურისთვის?

0
529

აფხაზეთის ხმის“ საინფორმაციო სამსახურის უფროსი, ჟურნალისტი ლაშა ბერულავა ფეისბუქის გვერდზე ინფორმაციას ავრცელებს, რომლის თანახმადაც, დევნილების ხმებით უკმაყოფილო ხელისუფლება, კარანტინის მიზეზით, გეგმავს ენგურის ხიდის დაკეტვას, რათა დევნილებს არ მიეცეთ საშუალება საპრეზიდენტო არჩევნების მეორე ტურში მიიღონ მონაწილეობა. ბერუალავას ინფორმაციით, ამ მიზნით სამეგრელოს გუბერნია მოლაპარაკებებს მართავს გალის დეფაქტო გამგებელთა. „ყურადღება! მაქვს სარწმუნო წყაროდან მიღებული ინფორმაცია, რომ აფხაზეთიდან დევნილებისგან სალომესთვის მიცემული ხმების სიმცირის გამო ხელისუფლება ფიქრობს, მინიმუმამდე დაიყვანოს მეორე ტურში დევნილების მონაწილეობა. ამ მიზნით ზუგდიდში, გუბერნიის შტაბში დაიგეგმა შემდეგი კომბინაცია: მეორე ტურის დღე უნდა დაემთხვეს კარანტინის გამოცხადებას ოკუპირებული აფხაზეთის გალის რაიონში, დაიკეტოს ენგურის ხიდის გამშვები პუნქტი და დევნილებს არ მიეცეთ საშუალება, გადმოვიდნენ გალიდან ზუგდიდში, რათა მიიღონ მონაწილეობა არჩევნებში. და რადგან საქართველოს ხელისუფლება ენგურის გადასასვლელს ასე ხელაღებით ვერ დაკეტავს, მიმდინარეობს ფარული მოლაპარაკება გალის დე ფაქტო გამგებელთან თემურ ნადარაიასთან, რათა კარანტინის მომიზეზებით დაიკეტოს ენგურის ხიდი. გათვალისწინებულია ის დეტალიც, რომ ჯერ კარანტინი გამოცხადდეს და ენგურის ხიდი რამდენიმე დღით დაკეტონ ნადარაიას განკარგულებით, ხოლო ცესკომ მხოლოდ ამის შემდეგ გაასაჯაროვოს მეორე ტურის დანიშვნის თარიღი. სინამდვილეში, მეორე ტურის თარიღი უკვე ცნობილია ხელისუფლების ზედა რგოლებში და ასევე ცნობილია გალის დე ფაქტო გამგებლისთვის! ხელისუფლება ყველაფერზე მიდის, რომ არჩევნებზე გრიგოლ ვაშაძის მხარდაჭერა დაიყვანოს მინიმუმამდე. გაფრთხილებთ: ცეცხლს ნუ ეთამაშებით, ყველაფერი ვიცით და ცუდად შემოგიბრუნდებათ! გთხოვთ, გააზიაროთ!“ – წერს ლაშა ბერულავა

წინა სტატია„როგორ შეიძლება, ჰააგაში არწმუნებდე ვიღაცებს, რომ რუსეთია დამნაშავე და, პარალელურად, შენივე გუნდის წევრები ამბობდნენ საპირისპიროს” – ნიკა ჯეირანაშვილი
შემდეგი სტატიაჯარისკაცები სალომე ზურაბიშვილის წინააღმდეგ – სამხედროების აზრით, ქვეყანას მოღალატე მთავარსარდალი არ უნდა ჰყავდეს
ტელეკომპანია ოდიშის საინფორმაციო სამსახური