მთავარისიახლეებიპოლიტიკაესეც ჩახუტება: „ქართული ოცნების" დეპუტატი სამტრედიის საკრებულოს თავმჯდომარის კაბინეტში დახმარებისთვის მისულ...

ესეც ჩახუტება: „ქართული ოცნების” დეპუტატი სამტრედიის საკრებულოს თავმჯდომარის კაბინეტში დახმარებისთვის მისულ მოქალაქეს ფიზიკურად გაუსწორდა

Published on

 „ქართული ოცნების" დეპუტატი ბადრი შენგელია ფიზიკურად გაუსწორდა სამტრედიის საკრებულოს თავმჯდომარის კაბინეტში დახმარებისთვის მისულ მოქალაქეს მაია ქორიძეს,
 
მმართველი გუნდის მიერ დაანონსებული ჩახუტების კამპანიის შემდეგ, მოქალაქე საკრებულოში სწორედ მისი პრობლემების მოგვარების თხოვნით მივიდა, თუმცა "ქართული ოცნების" წევრები, ჩახუტების ნაცვლად მუშტიკრივით დახვდნენ. ფიზიკურ დაპირისპირებას საკრებულოს თავმჯდომარეც ესწრებოდა.
 
როგორც ქორიძე ამბობს, მას შემდეგ,  რაც ბადრი შენგელია არ დახვდა კაბინეტში, ის შევიდა საკრებულოს თავმჯდომარესთან და მას აწვდიდა ინფორმაციას პრობლემებთან დაკავშირებით, რა დროსაც კაბინეტში შევიდა ბადრი შენგელიაც. მისივე თქმით დეპუტატს არ ესიამოვნა, რომ პრობლემების შესახებ ის საკრებულოს თავმჯდომარეს ესაუბრებოდა.
 
„მეძებდიო და მე ვუთხარი გეძებდი მეთქი და ღანიშში რაც ხდება მეთქი ის მინდა განვიხილოთ და მივხედოთ ღანიშს. ის ჩვენი სოფელია და იქიდან აგირჩიეთ. ეს პასუხი იყო ასეთი თქვენ დაშალეთ ეს ქვეყანა, თქვენ გაძარცვეთ, გაქურდეთ. თქვენ ხართ დამნაშავე. მე ახლა ქურდობას ადამიანი მაბრალებს რა თქმა უნდა ეს ჩემთვის მიუღებელი იყო, როცა მე ერთი ჩხირით საქართველოსთვის ზიანი არ მიმიყენებია. ამიტომ ამას მოჰყვა ფიზიკური დაპირისპირება. წამოხტა სკამიდან, ფიზიკურად შეურაცხყოფა მომაყენა. ნუგზარ ჯამბურია საკრებულოს ხელმძღვანელი გვაზავებდა თუ არა და არ ვიცი მე  რა სიტუაცია  მოხდებოდა იქ,“-განაცხადა მაია ქორიძემ.
 
მაია ქორიძეს ექსპერტიზა უკვე ჩაუტარდა
 
. „ქართული ოცნების“ დეპუტატი ბადრი შენგელია საკრებულოს თავმჯდომარის კაბინეტში მომხდარ ინციდენტს უარყოფს. ის ამბობს, რომ მოქალაქე მაია ქორიძესთან მხოლოდ სიტყვიერი შელაპარაკება მოუვიდა, თუმცა ფიზიკურად მას არ გასწორებია.
 
მომხდარის განსხვავებულ ვერსიას ჰყვება სამტრედიის საკრებულოს თავმჯდომარე, რომლის კაბინეტშიც აღნიშნული ინციდენტი მოხდა. ნუგზარ ჯამბურია ადასტურებს, რომ ადგილი ჰქონდა ფიზიკურ შეხლა-შემოხლას.
 
„ბადრი და ქალბატონო მაია წამოიწივნენ. აქ ისხდნენ მაგიდის ირგვლივ და შეიძლება ასე ითქვას ჩემთვის ნამდვილად მიუღებელი ინციდენტი იყო, რომ  კაბინეტში საჯარო მოხელე, ნებისმიერი ადამიანისადმი  ასეთ დამოკიდებულებას ამჟღავნებს. ძიძგილაობა იყო გამართული და მე ვცდილობდი ორივე მხარე დამემშვიდებინა,“-განაცხადა ნუგზარ ჯამბურიამ.

სიახლეები

ლაშა გაბიტაშვილს, რომელსაც დღეს დილით სამი ნიღბიანი პირი საკუთარ სახლთან თავს დაესხა ტვინის შერყევა აქვს

ლაშა გაბიტაშვილს, რომელსაც დღეს დილით სამი ნიღბიანი პირი საკუთარ სახლთან თავს დაესხა ტვინის შერყევა...

EPP “ოცნების” ლიდერების დანსაქცირებას ითხოვს

მასობრივი რეპრესიების ფონზე მოქმედებაზე გადადის დასავლეთიც. ბრიუსელი ოლიგარქის და მისი მსახურების მიმართ ახალ მიზნობრივ...

ივანიშვილის ოჯახის წევრებმა უნდა მიიღონ სანქციები და განიდევნონ დასავლეთიდან – უილსონი

ჰელსინკის კომისიის თავმჯდომარე პლატფორმა X-ზე ივანიშვილის ოჯახის წევრების სიას აქვეყნებს და წერს, რომ ისინი...

ლაშა გაბიტაშვილს ნიღბიანები თავს დაესხნენ და ფიზიკურად გაუსწორდნენ

ლაშა გაბიტაშვილს თავს დაესხნენ - მას დაზიანებები სახის არეში ეტყობა. მომხდარის შესახებ გაბიტაშვილი სოციალურ ქსელში...