თბილისში, ვარკეთილის მესამე მიკრო რაიონში, ერთერთ საცხოვრბელ ბინაში 9 წლის გოგონა გარდაცვლილი იპოვეს. მეზობლების თქმით, გარდაცვლილი და მისი დედა სამაშველო სამაშველო სამსახურმა იპოვა,სასწრაფო დახმარების ბრიგადამ ბავშვის მშობლები, როელთაც გაზით მოწამვლის ნიშნები აღენიშნებათ, საავადმყოფოში გადაიყვანა. მათი მდგომარეობა ამ დროისთვის სტაბილურად მძიმეა.
შემთხვევის ადგილზე გვიანობამდე მუშაობდნენ ექსპერტ-კრიმინალისტები. მომხდარს შინაგან საქმეთა სამინისტრო ბინაში მხუთავი აირის დაგროვებას უკავშირებს.
საინფორმაციო სააგენტო "ნიუ პოსტის" ინფორმაციით, მცირეწლოვანი არა გაზის გაჟონვის, არამედ მამინაცვლის ცემის შედეგად დაიღუპა, რის შემდეგაც მამაკაცმა სახლში კვალის დაფარვის მიზნით გაზი გაუშვა, მაგრამ ამ ვერსიას არც ახლობლები და არც შინაგან საქმეთა სამინისტრო არ ადასტურებს. .
საიდან წამოვიდა ხმები გოგიონა მამინაცვლის ძალადობის შესახებ?
ადგილობრივების თქმით, ოჯახი აღნიშნულ კორპუსში ქირით ცხოვრობს და მათ ხშირად ჰქონდა კონფლიქტი.მათივე მონაყოლის თანახმად, ბოლო ინცინდენტი ორი დღის წინ მოხდა, როცა გარდაცვლილის დედამ, არასრულწლოვანი მეზობლის სახლში შეიყვანა და დახმარება სთხოვა-
გოგონას გუშინ დაბადების დღე ჰქონდა. ნათესავები მასთან დაკავშირებას ცდილობდნენ, თუმცა მას შემდეგ, რაც დედა-შვილი კონტაქტზე არ გამოვიდნენ, მათ 112-ში დარეკეს.
უწყებაში აცხადებენ, რომ ფაქტზე გამოძიება 240-ე მუხლით დაიწყო. ექიმის თქმით, მამაკაცს ინტოქსიკაციის გარდა დაზიანება ხელის არეში აღენიშნება, რაც შესაძლოა, დაცემის შედეგად იყოს მიღებული.
.