საპრეზიდენტო არჩევნების პირველი ტურის შედეგებით, საქართველოს ფარგლებს გარეთ გრიგოლ ვაშაძე ლიდერია – ცენტრალურმა საარჩევნო კომისიამ საზღვარგარეთიდან მიღებული მონაცემები დააჯამა.
საქართველოს ფარგლებს გარეთ ამომრჩეველთა საერთო რაოდენობა – 58576-ია, ხოლო არჩევნებში მონაწილეობა – 5675-მა მიიღო.
საზღვარგარეთ მცხოვრებმა 2861-მა მოქალაქემ მხარი გაერთიანებული ოპოზიციის პრეზიდენტობის კანდიდატს, გრიგოლ ვაშაძეს დაუჭირა.
„ქართული ოცნების“ მიერ მხარდაჭერილმა კანდიდატმა, სალომე ზურაბიშვილმა 1231 ხმა მიიღო, „ევროპული საქართველოს“ პრეზიდენტობის კანდიდატმა, დავით ბაქრაძემ კი – 379.