გრიგოლ ვაშაძე არასამთავრობო ორგანიზაციების წარმომადგენლებს ხვდება.
როგორც ვაშაძემ ჟურნალისტებს განუცხადა, სურს, არასამთავრობო სექტორის წარმომადგენლებისგან მეორე ტურთან დაკავშირებით რჩევები მიიღოს.
„ჩვენთვის ეს შეხვედრა ძალიან მნიშვნელოვანია. პირველ რიგში, მინდა არასამთავრობო ორგანიზაციების აზრი მოვისმინო უკვე ჩატარებული პირველი ტურის შესახებ და შემდეგ უკვე მივიღო მათგან რჩევები იმ ნაბიჯებზე, რომელთა გადადგმასაც ჩვენ ვაპირებთ ჩვენი პოლიტიკური სისტემის რეფორმირებისთვის, რომ არასოდეს საქართველოში აღარ იყოს ერთპარტიული და ერთპიროვნული მმართველობა.
ჩვენ სამოქალაქო საზოგადოებას და არასამთავრობო ორგანიზაციებს უზარმაზარი გამოცდილება აქვთ დაგროვილი ამ სფეროში და აქვთ შესანიშნავი იდეები“, – განაცხადა ვაშაძემ.