„ჩვენი განაცხადი არის-ყველა მინუს ერთი, კარი ღია არის აბსოლუტურად ყველასთვის, კონსულტაციები თითოეულ პარტიასთან გაიმართება” – გიორგი ვაშაძე

0
342
„ჩვენი განაცხადი არის-ყველა მინუს ერთი, კარი ღია არის აბსოლუტურად ყველასთვის,“ – ეს განცხადება „ახალი საქართველოს” თავმჯდომარემ, გრიგოლ ვაშაძის საარჩევნო შტაბის ხელმძღვანელმა, გიორგი ვაშაძემ გააკეთა.
 
გიორგი ვაშაძე ყველა ოპოზიციურ პარტიას გრიგოლ ვაშაძის მხარდაჭერისკენ მოუწოდებს და მისი თქმით, კონსულტაციები თითოეულ პარტიასთან გაიმართება.
 
„ჩვენ ჩამოვშალეთ ის გაყალბების მექანიზმი, რაც ჰქონდა "ქართულ ოცნებას" დაგეგმილი, თუმცა, სამწუხაროდ, ცესკო-ს დღევანდელი მონაცემები განსხვავდება ჩვენი მონაცემებისგან, განსხვავდება პარალელური დათვლის მონაცემებისგან, სადაც ჩვენ პირველი ადგილი გვაქვს,“ – განაცხადა გიორგი ვაშაძემ.
 
გიორგი ვაშაძის თქმით, ყველა დიდ ქალაქში სწორედ გაერთიანებული ოპოზიციის პრეზიდენტობის კანდიდატმა მოიგო. მისი თქმით, დღის განმავლობაში ყველა დარღვეულ ოქმზე საჩივარს დაწერენ.
 
„თითოეულ ოქმზე გვექნება შესაბამისი საჩივარი დაწერილი, არის უბნები, სადაც პირდაპირ თეთრით შავზე ჩანს მანიპულაციები, ამოვარდნილი შედეგები, რაც აქვს სალომე ზურაბიშვილს ამ შემთხვევაში, ჩვენ ამ ყველაფერზე გვექნება რეაგირება. არცერთ ამ საკითხს არ დავტოვებთ ყურადღების გარეშე და რაც მთავარია, ის გამარჯვება რაც გვაქვს, საბოლოოდ გავაფორმებთ ამ გამარჯვებას და ვიბრძვით მეორე ტურისთვის,“ – განაცხადა ვაშაძემ.
 
ცენტრალური საარჩევნო კომისიის მონაცემებით, ხმების 99.95% უკვე დათვლილია, რომლის მიხედვითაც სხვაობა ვაშაძის ხმებსა და ზურაბიშვილის შედეგებს შორის ისევ მინიმალურია.
წინა სტატია“სამართლიანი არჩევნების” პარალელური დათვლის შედეგები: გრიგოლ ვაშაძე 38.5%, სალომე ზურაბიშვილი 37.6%
შემდეგი სტატია“გადაჭარბებული თავდაჯერებულობა,” “არაადეკვატური კომუნიკაცია” – ,,ქართულ ოცნებაში” თავიანთ შეცდომებზე საუბრობენ
ტელეკომპანია ოდიშის საინფორმაციო სამსახური