"საერთაშორისო გამჭირვალობა საქართველო" წინასაარჩევნო პროცესში მმართველი გუნდის მხრიდან ადმინისტრაციული რესურსის გამოყენების ტენდენციებსა და საარჩევნო კამპანიაში საბიუჯეტო ორგანიზაციებში დასაქმებული პირების ჩართვაზე საუბრობს – ანგარიშში, რომლის პრეზენტაციაც დღეს იგეგმება, საუბარია ასევე ხელისუფლების წარმომადგენლების მხრიდან სადამკვირვებლო ორგანიზაციებზე უპრეცედენტო თავდასხმებზე. არასამთავრობო ორგანიზაციაში ამბობენ, რომ ეს ფაქტები ნეგატიურად აისახება საარჩევნო კამპანიაზე.