ბიძინა ივანიშვილი ვერ იხსენებს , რა კადრები გავრცელდა პოლიტიკოსების პირადი ცხოვრების შესახებ 2016 წელს.
. ყოფილ პრემიერს სოციალურ ქსელში გავრცელებული კადრები ინტერვიუს დროს „რუსთავი 2-ის“ ჟურნალისტმა შეახსენა და საქმის გამოძიების შესახებ განმარტება მოითხოვა.
„ქართული ოცნების“ თავმჯდომარის განცხადებით, მსგავსი შემთხვევა არ ახსოვს. მან ჟურნალისტებს იმ პირების ვინაობის დასახელება მოსთხოვა, ვის შესახებაც პირადი ცხოვრების ამსახველი კადრები გავრცელდა.
„შვილებს ვფიცავარ, თუ ვკეკლუცობდე და რამეს ვმალავდე, ვერ ვიხსენებ, რაზეა საუბარი, 2016 წელს რა იყო ასეთი საგანგაშო,“- განაცხადა ბიძინა ივანიშვილმა.
არ არის ძნელი ასახსნელი, რატომ ახსოვს ასე კარგად თავისი 6 წლის წინანდელი დაპირებები , რომელთაც დღემდე ზედმიწევნით იმეორებს და არ ახსოვს ორი წლის წინანდელი სკანდალი, რომელიც მისი ხელისუფლების მიერ ადამიანის პირადი ცხოვრების ხელშეუხებლობის დარღვევის ამაზრზენი მაგალითია.