ივანიშვილის კარზე დიდი გარჩევებია. ,, რუსთავი ორი ” შაბათის ,,კურიერში” კიდევ ორი ახალი მამხილებელი დოკუმენტის გავრცელებას აანონსებს

0
401
,, რუსთავი ორი'' დღეს '' შაბათის ,,კურიერში'' კიდევ ორი ახალი მამხილებელი დოკუმენტის გავრცელებას აანონსებს.
 
ეს არის პროკურატურის ყოფილი თანამშრომლის და ხორავას ქუჩის საქმეზე ბრალდებული მირზა სუბელიანისა და პარლამენტის წევრის ვიქტორ ჯაფარიძის საუბრის მორიგი სკანდალურ აუდიოჩანაწერი და „ოცნების“ შიდა მიმოწერა  ფარულ ჩანაწერებთან დაკავშირებით უმრავლესობის ჩატში, კერძოდ მაყურებელი მოისმენს რა  მითითებები გაიცემოდა სკანდალურ ჩანაწერებთან დაკავშირებით.
 
როგორც გადაცემის ანონსშია ნათქვამი,სუბელიანი საუბრობს იმაზე, რომ  ივანიშვილი შეშფოთებულია და მის  კარზე დიდი გარჩევები იყო.
 
,,როგორ დათმე შენი მარჯვენა ხელიო, პირდაპირ უთქვამს. პარტიაში გარჩევები იყო ჩემს თემასთან დაკავშირებით და კახის (კახიშვილზეა საუბარი – ,,ოდიში ნიუსი'')  დაუჭერია პოზიცია , ხომ არ გამოყ…დითო.'' 
 
 
რაც შეეეხება ჩატში მიმოწერას, არჩილ თალაკვაძე  გასცემს  შემდეგი შინაარსის რეკომენდაციას: 
 
,,მეგობრებო, შეუთანხმებლად ნურანაირ საპარლამენტო კომისიაზენუ შექმნით მოლოდინებს. ჩანაწერებით ეს ქვეყანა დასაზოგადოება ვერ იცხოვრებს- ეს არის საზიზღრობა და ნაცების ცხოვრების სტილი. ხალხს გული ერევა ჩანაწერების გაგონებაზე, უთხარით მკაფიოდ და დამაჯერებლად, რომ სახელმწიფო მუშაობს, მშვიდობაა. არჩევნები ჩატარდება მშვიდობიანად და იქნება წინსვლა და განვითარება. ''
 
მკაფიოდ თქმა ყველაფრისა შეიძლება, აი, დაიჯერებს თუ არა ხალხი, რომ ,,სახლმწიფო მუშაობს და  იქნება წინსვლა და განვითარება'' , სხვა საქმეა.
 
დაველოდოთ ,,შაბათის კურიერს'' 
 
 

წინა სტატიახულოში, სოფელ ჭახაურაში ხანძრის შედეგად ორი საცხოვრებელი სახლი დაიწვა, დაღუპულია ორი ადამიანი
შემდეგი სტატიაბიზნესმენის შვილის გიორგი დეკანოიძის გატაცების საქმეზე დაკავებული 10 პირიდან 3 გაათავისუფლეს
ტელეკომპანია ოდიშის საინფორმაციო სამსახური