პრეზიდენტობის კანდიდატმა სალომე ზურაბიშვილმა სოხუმის დაცემის დღესთან დაკავშირებით გმირთა მემორიალი ყვავილებით შეამკო. იგი იქ პარლამენტის თავმჯდომარესთან, ირაკლი კობახიძესთან ერთად მივიდა.
"საქართველოს პრეზიდენტი დღევანდელი კონსტიტუციითაც და ახალი კონსტიტუციით კიდევ უფრო მეტად იქნება ერთადერთი დამცველი აფხაზური ენის, აფხაზური იდენტობის და გამთლიანების. ეს არის მისი მოვალეობები. მთელი ჩემი სულით და ენერგიით ვეცდები დავიცვა ეს მოვალეობა",- განაცხადა ზურაბიშვილმა.
სალომე ზურაბიშვლი ვერც ამჯერად გავიდა ხალხში ისე, რომ მწვავე შეკითხვები არ მიეღო:
.„მე ვთქვი, რომ სამეგრელოს მეზობელია“- აფხაზეთთან დაკავშირებით ამ განმარტების გაკეთება პრეზიდენტობის კანდიდატს, სალომე ზურაბიშვილს აფხაზეთში გარდაცვლილთა პატივის მისაგებად მემორიალთან მისულ მოსახლეობასთან მოუწია
მოქალაქემ ზურაბიშვილს ჰკითხა, თუ რატომ უწოდა მან აფხაზეთს „განგრენა“, რაზეც პრეზიდენტობის კანდიდატმა აღნიშნა, რომ ეს არის ირაკლი ოქრუაშვილის მიერ გაჟღერებული ტყუილი.