The Global Slavery Index-მა მსოფლიოს ქვეყნებში თანამედროვე მონობის შესახებ მონაცემები გამოაქვეყნა. ანგარიშის მიხედვით, საქართველოში 17 000 ადამიანი მონურ პირობებში ცხოვრობს.
The Global Slavery Index-ის მიხედვით, მონობის თანამედროვე ფორმები გულისხმობს ადამიანის ექსპლუატაციის სხვადასხვა ფორმას, რა დროსაც ის იძულებულია განახორციელოს გარკვეული საქმიანობა დაშინების, ძალადობის ან საფრთხის გამო. მონობის თანამედროვე ფორმაში მოიაზრება ოჯახური მონობაც, მათ შორის იძულებით ქორწინებაც.
რეიტინგში პირველ ადგილს ჩრდილოეთ კორეა იკავებს. აქ ათიდან ერთი ადამიანი მონურ პირობებში ცხოვრობს. ქვეყანაში, სადაც 25 მილიონი ადამიანი ცხოვრობს, 2.6% ექსპლუატაციის სხვადასხვა ფორმის მსხვერპლია.
ჩრდილოეთ კორეას რეიტინგში ერიტრეა, ბურუნდი, ცენტრალური აფრიკის რესპუბლიკა, ავღანეთი, მავრიტანია, სამხრეთ სუდანი, პაკისტანი, კამბოჯა და ირანი მოსდევს.