თბილისში სადისტურად მოკლული 22 წლის ახალგაზრდის – გევორქ სარქისიანისცხედარი ამ დრომდე ექსპერტიზის ბიუროშია. მას საცხოვრებელ სახლში ექსპერტიზის ჩატარების შემდეგ გადაასვენებენ.
მკვლელობა გუშინ მოხდა, დღისიტ, მზისით, გამვლელების თვალწინ. იგი 15-მა თავდამსხმელმა საკუთარ სახლთან გამვლელების თვალწინ აჩეხა. დანით მიყენებული 22 ჭრილობით ახალგაზრდა მამაკაცი კლინიკაში მიყვანამდე გარდაიცვალა.
მკვლელობას ბევრი თვითმხილველი ჰყავს. მეზობლები ყვებიან, რომ დაჭრილი შველას ითხოვდა. მეზობლებმა ისიც დაინახეს, როგორ დატოვეს შემთხვევის ადგილი თავდამსხმელებმა, თუმცა, მათი ამოცნობა არ შეუძლია . ცივი იარაღით შეირაღებულმა პირებმა, სავარაუდოდ, მას ჩასაფრება მოუწყვეს.სათვალთვალო კამერების ჩანაწერებში, რომელიც ,,რუსთავი 2 '' მა მოიპოვა, ჩანს, როგორ მივიდნენ თავდამსხმელები 2 ავტომობილით სარქისიანის სახლთან.
ოჯახმა არ იცის, რა გახდა 22 წლის ახალგაზრდას მკვლელობის მიზეზი. ისინი არ გამორიცხავენ, რომ სასტიკი მკვლელობა რამდენიმე თვის წინ მომხდარ კონფლიქტს უკავშირდებოდეს. სარქისიანებმა მხოლოდ ის იციან, რომ კონფლიქტში უბნის ახალგაზრდები მონაწილეობდნენ.
მკვლელობის ოფიციალურ მოტივზე შინაგან საქმეთა სამინისტრო არ ლაპარაკობს. მიუხედავად იმისა, რომ არსებობს კამერების ჩანაწერები, სამართალდამცველები არ ამბობენ, არიან თუ არა იდენტიფიცირებულები თავდამსხმელები.