„სამეგრელოს ხმის“ლიდერი თენგიზ ჯგუშია ზუგდიდში გუშინ გამართულ სოლიდარობის აქციას ეხმაურება.მისი თქმით, აქციების დაგეგმვის თანაორგანიზატორია და მას უფლება აქვს როგორც მშობელს გამოვიდეს და მიმართოს საზოგადოებას. „ მე იქ არ ვიყავი, როგორც პოლიტიკური პარტიის წარმომადგენელი, მე ვიყავი, როგორც მშობელი და ვერავინ დამიშლის მიკროფონში საუბარს. გუშინ სუს-ის და ხელისუფლების აქტიური ხელშეწყობით მოინდომეს აქციის დაშლა, თუმცა ჩვენ მაინც ღირსეულად გავაგრძელეთ აქცია, შვილმკვდარი დედები და ახალგაზრდები იდგნენ ჩვენს გვერდით“- აცხადებს ჯგუშია.
თენგიზ ჯგუშიას თქმით, სისტემა უნდა დაინგრეს- მოწოდება უკვე არის პოლიტიკური მოთხოვნა და ვერ გაიზიარებს ამ ნაწილში იმ მოსაზრებას, რომ აქციას პოლიტიკოსები არ გაეკარონ. მან გუშინდელ აქციას ლგბტ ჯგუფის პროპაგანდა უწოდა. „ემზოს გვერდით ნამდვილად ვდერ დავდგები ვერც მე, ვერც თითოეული ზუგდიდელი და ვერც შვილმკვდარი დედები, რადგან ჩემი და ემზო კვარაცხელიას ღირებულებათა სისტემა ვერასდროს გადაიკვეთება, რა იყო გუშინ, არ იყო ფარული პროპაგანდა? ფერადი კვამლი გაუშვეს,“- განაცხადა თენგიზ ჯგუშიამ. კითხვაზე, იყო თუ არა მისი განხცადება დისკრედიტაციული, მან თქვა: „მე ვახდხენ არა სოციალური ჯგუფის დისკრედიტაციას, არამედ ლგბტ სტატუსის კონსტატირებას“.
თენგიზ ჯგუშიას თქმით, აქციები უნდა გაგრძელდეს, სამეგრელო, სადაც ზვიად ლაგვილავა მოკლეს, სადაც ბესიკ ჯგუშია ააფეთქეს და ასეთი უამრავია და ხელისუფლებას არც ერთი საქმე არა აქვს გამოძიებული, დიხა რომ სწორედ უნდა გააგრძელოს აქციები და უნდა დადგეს ზაზა სარალიძის გვერდით.
შეგახსენებთ, რომ გუშინ აქციაზე, რომელიც ახალგაზრდების მიერ იყო ორგანიზებული და რომელსაც შაოსანი დედებიც ესწრებოდნენ, თენგიზ ჯგუშიაც იმყოფებოდა, რომელმაც მიკროფონი ითხოვა, თუმცა ამას აქციის მონაწილეთა ნაწილმა პროტესტით უპახუსა.