ბიძინა ივანიშვილი ნამდვილად აგებს გზებს ზუგდიდში … მაგრამ ხისთვის და ისიც ადგილობრივი ბიუჯეტიდან

0
435
ბიძინა ივანიშვილის ხის გადასატანად ზუგდიდის რაიონის სოფელ ინგირთან სპეცრაზმის დახურულ საწვრთნელ ბაზაზე გზა გაიყვანეს.
 
ასწლოვანი ხის გადატანა მაინც ვერ მოხერხდა. როგორც ცნობილია, აღმართზე სატვირთო მანქანამ ხის დაძვრა ვერ შეძლო.
 
რაც შეეხება ბაზის ტერიტორიაზე გზის გაყვანას, ამის მიზეზად ადგილობრივები იმას ასახელებენ, რომ ცენტრალურ მაგისტრალზე არსებული ხიდი ხის სიმძიმეს ვერ გაუძლებდა და შესაძლოა ჩანგრეულიყო.
 
შესაბამისად, ადგილობრივი ხელისუფლებამ სპეცრაზმის საწვრთნელ ბაზაზე ბეტონის ფილებით კუსტარულად დააგო გზა, სადაც ხეს უნდა გაევლო.
 
ხის გადატანის წარუმატებელმა სამუშაოებმა პრობლემები შეუქმნა მოსახლეობას, საპატრულო პოლიციასა და საავადმყოფოს.
 
მთელი ღამის განმავლობაში, დილის 10 საათამდე პოლიციისა და საავადმყოფოს შენობებს ელექტროენერგია არ მიეწოდებოდა და ისინი გენერატორის გამომუშავებულ ელექტროენერგიას მოიხმარდნენ.
წინა სტატიაგადაცემა ,,თეზისი”. სტუმარი პოეტი გური ოტობაია
შემდეგი სტატიაკონგრესმენი ჯერალდ კონოლი: ჩვენ არ მოვისვენებთ, ვიდრე საქართველოს ამ ტერიტორიების რუსული ოკუპაცია არ დასრულდება
ტელეკომპანია ოდიშის საინფორმაციო სამსახური