რამდენიმე დღის წინ იტალიაში საქართველოს მოქალაქე, 20 წლის ემიგრანტი გოგონა იტალიელმა სამართალდამცავებმა მოხუცის გაძარცვის ბრალდებით დააკავეს.
როგორც იტალიაში მცხოვრები ქართველი ემიგრანტები აცხადებენ, დაკავებულის დედამ , 46 წლის ემიგრანტმა თეა ნიკოლეიშვილმა ვერ გაუძლო სტრესს და სიცოცხლე თვითმკვლელობით დაასრულა. შემთხვევა გუშინ მოხდა. – ინფორმაციას ამის შესახებ ,,კვირა გე'' ავრცელებს.
როგორც ირკვევა, თვითმკვლელობამდე ქალი საპატიმროში ქურდობის ბრალდებით დაკავებულ შვილს შეხვდა და იქიდან გამოსულმა სიცოცხლე მოისწრაფა.
ფაქტი ტარანტოს პროვინციაში, ქალაქ მარკინა ფრანკაში მოხდა. სწორედ, ამ ქალაქშია დაპატიმრებული ქართველი.
ადგილობრივი მედიის ინფორმაციით, 20 წლის გოგომ ის მოხუცი გაქურდა, სადაც თავად მუშაობდა და სახლიდან მამაკაცის დანაზოგი 60 000 ევრო მოიპარა და ეს თანხა საქართველოში გადმორიცხა. თუმცა, იტალიისა და საქართველოს სამართალდამცველების ერთობლივი მუშაობის შედეგად, თანხა დაიბლოკა და პატრონს უკან დაუბრუნდა.