მთავარისიახლეებიკულტურათანამედროვე ხელოვნების ფესტივალი „f 5" ზუგდიდში

თანამედროვე ხელოვნების ფესტივალი „f 5″ ზუგდიდში

Published on

ზუგდიდი 9-10 ივნისს თანამედროვე ხელოვნების ფესტივალ „f 5-ს" უმასპინძლებს. 

ორღიან ფესტივალში მონაწილეობას მიიღებენ მწერლები და პოეტები – ზვიად რატიანი, პაატა შამუგია, კატო ჯავახიშვილი, ზაზა კოშკაძე, გაგა ნახუცრიშვილი, ალექსანდრე ლორთქიფანიძე და ლუკა ბაქანიძე. რაც შეეხება ღონისძიების მუსიკალურ მხარეს, ამაზე ერეკლე დეისაძე, ბაჩო ჯიქიძე და ლექსო რატიანი იზრუნებენ.
 
ფესტივალის იდეის  ავტორები ზუგდიდელი ახალგაზრდები ტატო ჩანგელია, ნიკა ლაშხია და გიორგი შონია არიან.
 
 
"დღეისათვის, თბილისში უამრავი ფესტივალი და ღონისძიება ტარდება. მასზე დასწრება და მონაწილეობა რეგიონში მცხოვრებლებს, გასაგები მიზეზების გამო, არ შეუძლიათ –  ეს დაკავშირებულია დროსთან, ფინანსებთან და კიდევ ბევრ დეტალთან. სამწუხაროდ, არც ზუგდიდია გამონაკლისი. ხშირ შემთხვევაში, რეგიონში მცხოვრებ ადამიანებს ბუნდოვანი წარმოდგენა აქვთ იმ კულტურულ აქტივობებზე, რაც თბილისში ხდება. მიუხედავად იმისა, რომ ინტერნეტის საშუალებით ინფორმაცია ხელმისაწვდომია, ეს პრობლემა დღის წესრიგში მაინც დგას. ჩვენ გვინდა, რომ ფესტივალს ყოველწლიური სახე ჰქონდეს, რათა რეგიონი კულტურულ ცხოვრებაში ჩაებას და არ იყოს დიდი წყვეტა თბილისთან, რაც ასე თვალსაჩინოა. გარდა ამისა, ფესტივალის ზუგდიდში ჩატარება სხვა საინიციატორო ჯგუფებისთვის მაგალითის მიმცემი იქნება, რათა მომავალში რეგიონებს უფრო მეტი ყურადღება დაუთმონ", – ამბობს ღონისძიების ერთ-ერთი ორგანიზატორი ნიკა ლაშხია.
 
ფესტივალის პარტნიორია გამომცემლობა "ინტელექტი", გენერალური სპონსორი – "შაუნდერს Gროუპ-ი". სპონსორები: "ლაზიკა კაპიტალი", "ცერერა", შ.პ.ს "ზუგდიდის სუპერმარკეტი", ბარ-რესტორანი “El Barko” და „Art hostel-ი”.სად გაიმართება ფესტივალი, ჯერჯერობით უცნობია. ერთ-ერთმა ორგანიზატორმა გიორგი შონიამ „ლაივპრესს“ განუცხადა, რომ ადგილმდებარეობა რამდენიმე დღეში დაზუსტდება. განიხილავენ როგორც ღია, ისე დახურული სივრცის შესაძლებლობას. ღონისძიებაზე დასწრება მსურველებისთვის უფასო იქნება. მისივე ინფორმაციით, პირველი ნაწილი ორივე დღეს ლიტერატურული იქნება, სადაც მოწვეული პოეტები საკუთარ შემოქმედებას წაიკითხავენ, საღამო კი მუსიკით გაგრძელდება.
 
„ისინი ენთუზიაზმით ჩამოდიან. კარგ საქმეში გვეხმარებიან და ბოლომდე გვერდში გვიდგანან. ფესტივალმა თავისი საქმე უნდა გააკეთოს და ახალგაზრდები დააინტერესოს. ეს უნდა იყოს პირველი ნაბიჯი, რომ ზუგდიდში ამოქმედდეს, ამოძრავდეს კულტურული პროცესები“, – გვითხრა გიორგი შონიამ.
 
ორგანიზატორთა სურვილია ფესტივალს ყოველწლიური სახე მიეცეს. ამას გარდა, ეს ფაქტი სხვა საინიციატივო ჯგუფებისთვისაც იყოს მაგალითი, რომ რეგიონებს მომავალში მეტი დრო და ყურადღება დაუთმონ.
 
 

სიახლეები

სასულიერო პირები მხარდაჭერას უცხადებენ მიტროპოლიტ იობს

“მივესალმები საზოგადოებას - მართლმადიდებელი ეკლესიის მრევლს. მინდა მივმართო იმ საზოგადოებას, რომელიც ეკლესიის მრევლად თვლის...

აფრიკიდან გამოსაგზავნ ბაობაბებზე სასამართლო პროცესი იანვარში გაიმართება

სამხრეთ აფრიკიდან გამოსაგზავნ ბაობაბებზე სასამართლო პროცესი იანვარში გაიმართება - სამხრეთ აფრიკული საგამოძიებო გამოცემის, Daily...

თამარ ბაჩალიაშვილის გარდაცვალების საქმის ხელახალი გამოთხოვნით ოჯახმა გენერალურ პროკურატურასთან აქცია კვლავ განაახლა

თამარ ბაჩალიაშვილის გარდაცვალების საქმის ხელახალი გამოთხოვნით ოჯახმა გენერალურ პროკურატურასთან აქცია კვლავ განაახლა. ოჯახის წევრები და...

აქციაზე დაკავებულების ოჯახის წევრები ბრიუსელში ჩავიდნენ

"თავისუფლების ხმა ციხიდან ევროპის დედაქალაქში” - აქციებზე დაკავებულების ოჯახის წევრები საქართველოს სხვადასხვა რეგიონში გამართული...