„ჩვენ ვიზიარებთ ოჯახის მწუხარებას. ეს არის მწუხარება მთელი საქართველოსი. ნათელში იყოს მისი სული. ჩვენ უნდა გვახსოვდეს, რომ მისი სული ცოცხალია და მას სჭირდება ლოცვები“, – ამის შესახებ სრულიად საქართველოს კათოლიკოს–პატრიარქმა, უწმინდესმა და უნეტარესმა, ილია მეორემ წილკანში, არჩილ ტატუნაშვილების ოჯახში პანაშვიდის დასრულების შემდეგ განაცხადა.
პატრიარქი სოფელ წილკანში, არჩილ ტატუნაშვილის ოჯახში სამძიმარზე მივიდა და რჩილ ტატუნაშვილის სულის მოსახსენებელი პანაშვიდი აღავლინა. მას თან ახლდნენ მღვდელმთავრები: პატრიარქის მოსაყდრე, სენაკისა და ჩხოროწყუს მიტროპოლიტი შიო, წილკნისა და დუშეთის მთავარეპისკოპოსი ზოსიმე, ზუგდიდისა და ცაიშის მიტროპოლიტი გერასიმე, საჩხერისა და ჭიათურის მიტროპოლიტი დანიელი და სხვა სასულიერო პირები.
არჩილ ტატუნაშვილს 24 მარტს, მუხათგვერდის ძმათა სასაფლაოზე დაკრძალავენ.