ნუ დათესავთ თურქულ კარტოფილს – კიბო აქვს. მთავრობამ მისი შემოტანა საქართველოში 1 ივნისამდე აიკრძალა

0
393
საქართველოს მთავრობის გადაწყვეტილებით, პირველ ივნისამდე თურქეთიდან საქართველოში კარტოფილის შემოტანა აიკრძალა. განკარგულებას ხელი პრემიერ-მინისტრმა გიორგი კვირიკაშვილმა მოაწერა. ამის შესახებ 1tv-ი წერს.
 
დოკუმენტის მიხედვით, იმპორტის აკრძალვის მიზანი კარტოფილის კიბოს თავისუფალ ტერიტორიებზე გავრცელების თავიდან აცილებაა. მსგავსი დროებითი ღონისძიების ამოქმედებას ფიტოსანიტარული სასაზღვრო-საკარანტინოკონტროლის განხორციელების წესის მე-17 მუხლი ითვალისწინებს.
 
სურსათის ეროვნული სააგენტოს უფროსის მოადგილე ზურაბ ლიპარტიას თქმით, ეს არის დროებითი ფიტოსანიტარიული ზომა კარტოფილის თესვის სეზონის დასრულებამდე.
 
„ეს არის დროებითი ზომა, რათა საკვებად გამიზნული თურქული კარტოფილი არ იყოს გამოყენებული სათესად“,- განაცხადა ლიპარტიამ.
წინა სტატიაავტოსაგზაო შემთხვევას პოლონეთში საქართველოს ორი მოქალაქის სიცოცხლე ემსხვერპლა
შემდეგი სტატიაგუდაურში საბაგიროზე მომხდარ შემთხვევას ავსტრიელი და ფრანგი ექსპერტები შეაფასებენ
ტელეკომპანია ოდიშის საინფორმაციო სამსახური