პრემიერი ამ დრომდე არ გამოხმაურებია ოპოზიციის მოთხოვნას მივიდეს პარლამენტში და ახსნა – განმარტებები გააკეთოს

0
414
12  ოპოზიციური პარტია გიორგი კვირიკაშვილისგან პარლამენტში მისვლას და ახსნა-განმარტებებს მოითხოვს  რუსეთის ხელისუფლებისადმი გაგზავნილი წერილთან და მთლიანად ქართული ოცნების საგარეო პოლიტიკასთან დაკავშრებით.
 
ერთობლივ მიმართვაში პოლიტიკური პარტიები მთავრობის მეთაურთან შეხვედრის გარდა ჟენევის ფორმატთან და საპარლამენტო რეზოლუციასთან დაკავშირებულ მოთხოვნებსაც აჟღერებენ.
„პრემიერის ბოლო განცხადება, საფრთხის ქვეშ აყენებს ჩვენი ქვეყნის ფუნდამენტურ ინტერესებს და ჩვენი ქვეყნის სუვერენიტეტს. შესაბამისად ის დაუყოვნებლივ უნდა გამოცხადდეს პარლამენტში იმისთვის, რომ პასუხი გასცეს იმ კითხვებს, რაც დაგროვდა ოპოზიციურ პარტიებში,“-აცხადებს ენმ – ს წარმომადგენელი  თინათინ ბოკუჩავა.
 
„დღეს არის ის მომენტი, როდესაც საქართველოს აუცილებლად სჭირდება გააქტიურება საერთაშორისო ასპარეზზე. ამაზე მნიშვნელოვანი საკითხი დღეს საქართველოსთვის არ არსებობს. ასე რომ პრემიერი უნდა მოვიდეს პარლამენტში,“-განაცხადა „ევროპული საქართველოს“ წევრმა გიორგი კანდელაკმა.
 

ოპოზიციის შეფასებებს არ იზიარებს საპარლამენტო უმრავლესობა. მმართველ გუნდში ამბობენ, რომ მთავრობის მეთაური ესაუბრება ხალხს და არ დგას საჭიროება იმ ოპოზიციურ პარტიებთან საუბრის, რომელმაც ქვეყანაში მძიმე რეალობა შექმნა.
 
 რაც შეეხება თავად პრემიერს, იგი ოპოზიციის მოთხოვნას  პარლამენტში მისვლასთან დაკავშირებით ამ დრომდე არ გამოხმაურებია. 
 
წინა სტატიაპრეზიდენტი სააკაშვილი: კრემლში სურთ მათი ეშინოდეთ, პუტინს მხოლოდ შიშის სჯერა
შემდეგი სტატიამაიამიში საფეხმავლო ხიდის ჩაინგრა, არის მსხვრპლი
ტელეკომპანია ოდიშის საინფორმაციო სამსახური