თუ ვალუტის გადამცვლელ პუნქტში ფული გადაცვალეთ, მაგრამ გადაიფიქრეთ, 30 წუთის განმავლობაში შეგიძლიათ გააუქმოთ ეს ოპერაცია

0
446
დღეიდან ვალუტის გაცვლის ოპერაციის განხორციელებიდან 30 წუთის განმავლობაში, მომხმარებლის მოთხოვნით და ვალუტის გაცვლის დამადასტურებელი ქვითრის წარდგენის საფუძველზე, ვალუტის გადამცვლელი პუნქტები ვალდებული გახდებიან გააუქმონ აღნიშნული ოპერაცია და დააბრუნონ გაცვლილი თანხა. ამის შესახებ ეროვნული ბანკი იტყობინება. 
 
კერძოდ, საქართველოს ეროვნულმა ბანკმა, ვალუტის გადამცვლელი პუნქტების საქმიანობის რეგულირების სრულყოფისა და მომხმარებელთა ინტერესების მაქსიმალურად დაცვის მიზნით, ვალუტის გადამცვლელი პუნქტების რეგისტრაციისა და რეგულირების ახალი წესი დაამტკიცა. ცვლილება ბოლოდროინდელი საკანონმდებლო ცვლილებების შესაბამისად განხორციელდა.
 
ახალი წესი ვალუტის გადამცვლელ პუნქტებს პირველი მარტიდან ავალდებულებს ვალუტის გაცვლის ოპერაციის განხორციელებიდან 30 წუთის განმავლობაში, მომხმარებლის მოთხოვნით და ვალუტის გაცვლის დამადასტურებელი ქვითრის წარდგენის საფუძველზე, გააუქმონ
 
აღნიშნული ოპერაცია და დააბრუნონ გაცვლილი თანხა.
 
გარდა ამისა, აღნიშნული წესით მკაცრდება სარეგისტრაციო მოთხოვნები შესაფერისობის კრიტერიუმებისა და საოპერაციო ფართის მოწყობის კუთხით.
 
ამ წესის გამოქვეყნებამდე რეგისტრირებულ ვალუტის გადამცვლელ პუნქტებს საქმიანობის ახალ მოთხოვნებთან შესაბამისობაში მოსაყვანად ვადა 2019 წლის პირველ იანვრამდე მიეცათ. რაც შეეხება მიმდინარე წლის 28 თებერვლიდან დარეგისტრირებულ გადამცვლელ პუნქტებს, მათ საქმიანობა ახალი წესების სრული დაცვით უნდა განახორციელონ.
წინა სტატიაქუთაისის მერიის შენობაში გარემოვაჭრეების აქცია მიმდინარეობს
შემდეგი სტატიაგადაცემა ,,თეზისი”. სტუმარი – მსახიობი დავით კლდიაშვილი.
ტელეკომპანია ოდიშის საინფორმაციო სამსახური