უბედური შემთხვევა თბილისში- შენობიდან შუშის ჩამოვარდნას მოზარდის სიცოცხლე ემსხვერპლა

0
541
თბილისში ორბელიანის მოედანზე, შენობიდან შუშის ჩამოვარდნის შედეგად დაშავებული 14 წლის ბავშვი საავადმყოფოში გარდაიცვალა. შემთხვევა დაახლოებით ერთი საათის წინ მოხდა.
 
ექიმის განცხადებებით, მოზარდს სიცოცხლესთან შეუთავსებელი დაზიანებები ჰქონდა მიღებული. მას ოპერაცია ვერ ჩაუტარდა. მისი მდგომარეობა მძიმე იყო და ოპერაციის დაწყებამდე გული რამდენჯერმე გაუჩერდა.  
 
„პაციენტი შემოყვანილია ემერჯენსის განყოფილებაში,  უკიდურესად მძიმე მდგომარეობაში. პრაქტიკულად, სიცოცხლესთან შეუთავსებელი ტრამვის მიღების შემდეგ. რამდენიმე წუთში იქნა აყვანილი საოპერაციოში, ოპერაციის დაწყება ვერ მოხერხდა, იმიტომ რომ ადგილი ჰქონდა გულის გაჩერებას. პრაქტიკულად, პაციენტი გარდაიცვალა ტრამვული შოკით და სიცოცხლესთან შეუთავსებელი დაზიანებების გამო,“ – განაცხადა  რეანიმაციული განყოფილების უფროსმა გიორგი ხარჩილავამ.
 
ადგილიდან 3 დაშავებული ინგოროყვას კლინიკაში გადაიყვანეს, 3 კი „ამტელ ჰოსპიტალში".
 
შუშა ელექტრო სისტემის შენობიდან ჩამოვარდა.
წინა სტატიასამეგრელო-ზემო სვანეთის გუბერნატორის ადმინისტრაციაში აცხადებენ, რომ 2017 წელს, მთლიანი ხარჯები 22 ათასი ლარით შემცირდა.
შემდეგი სტატიადღეს ერგნეთის შეხვედრის მთავარი თემა არჩილ ტატუნაშვილის გადმოსვენების საკითხია
ტელეკომპანია ოდიშის საინფორმაციო სამსახური