ეს საქმე არ შეიძლება, რომ მალე არ დაიხუროს, რადგან არ არის არაფერი. ამდენი ხანი ვისხედით, ძალიან კარგად იყო დასმული კითხვები, ყველაფერს პასუხი გავეცი. ბატონი მოსამართლე და გამომძიებელი დარწმუნდნენ, რომ ეს ბრალი უსაფუძვლოა", – განაცხადა ფონდ „იავნანას“ დამფუძნებელმა პაატა ბურჭულაძემ მას შემდეგ, რაც თბილისის საქალაქო სასამართლოში გამოკითხვა დასრულდა.
როგორც ბურჭულაძემ ჟურნალისტებს განუცხადა, გამოკითხვა კონსტრუქციული იყო , თუმცა „ზოგიერთი კითხვა ისეთი იყო, რომ მას პასუხის გაცემა უხერხულად მიაჩნდა“.
"დაკითხვა იყო ძალიან საინტერესო. საჭირო იყო, რომ ყველაფერი სცოდნოდა პროკურატურას. ყველაფერმა საკმაოდ კორექტულად, კარგად ჩაიარა. სულ ცოტა ხანში, ალბათ, დადებენ დასკვნას და ეს საქმე დაიხურება. ეს იმდენად თითიდან გამოწოვილი საქმეა, რომ მეუხერხულებოდა კიდეც ზოგიერთ კითხვაზე პასუხი გამეცა.
დაკითხვის შემდეგ სხვა კომენტარი პაატა ბურჭულაძეს არ გაუკეთებია, მან მხოლოდ ის აღნიშნა, რომ საქმეში პოლიტიკური დაინტერესება იკვეთება, თუმცა კონკრეტულად, თუ ვისი მხრიდან, ამასთან დაკავშირებთ არ საუბრობს.