მიხეილ სააკაშვილზე ფიქრი, საუბარი და თემა დავამთავრე მაშინ, როდესაც პრეზიდენტი გავხდი. ზოგ-ზოგიერთები დღეს იწყებენ და უნდათ, რომ სააკაშვილთან ჰქონდეთ პოლიტიკური დიალოგი. მე 10 წელიწადი სააკაშვილის კრიტიკაში ვიყავი, – ამის შესახებ საქართველოს პრეზიდენტმა გიორგი მარგველაშვილმა „იბერიას“ ეთერში განაცხადა.
მარგველაშვილმა ასევე ისაუბრა შს ყოფილ მინისტრზე ვანო მერაბიშვილზე და სტრასბურგის მიერ ამ საკითხთან დაკავშირებულ გადაწყვეტილებაზე.
„დღეს ვანო მერაბიშვილი არის სტრასბურგის მიერ დაზარალებულად ცნობილი. როდესაც იმ დაპირისპირებაში ვიყავით, წარმოვიდგენდით, რომ რამდენიმე წელიწადში მერაბიშვილზე ჩვენ ევროპა მოგვიტრიალებდა და გვეტყოდა, რომ ეს კაცი რატომ არის დაზარალებული?! ვამბობდი მერაბიშვილზე, რომ ცუდად დაგვიბრუნდება, ცოტა ფრთხილად უნდა იყოთ, დღეს, არავის არ მოუთხოვია პასუხი არავისთვის იმ საზოგადოებრივ-პოლიტიკურ აბსურდზე, რომ ვანო მერაბიშვილი არის მსხვერპლი“ , – განაცხადა მარგველაშვილმა.