დღეს „ევროპული საქართველო“ მეხუთე რიგგარეშე ყრილობას გამართავს.
პარტიის პრესსამსახურის ცნობით, ყრილობაზე დამტკიცდება პოლიტსაბჭოს ახალი შემადგენლობა, რომელიც თვითმმართველობის არჩევნების შედეგების მიხედვით ჩამოყალიბდა.
ქალაქებისა და რაიონების წარმომადგენლები პოლიტსაბჭოში დასახელდა ადგილობრივ პარტიულ კონფერენციებზე, რომლებიც ნოემბერ-დეკემბრის პერიოდში ჩატარდა. ამავე კონფერენციებზე პარტიის წევრებმა საქალაქო და რაიონული ორგანიზაციების ხელმძღვანელები აირჩიეს.
ყრილობის მონაწილეებს სიტყვით მიმართავენ პარტიის თავმჯდომარე დავით ბაქრაძე, გენერალური მდივანი გიგი უგულავა და პოლიტსაბჭოს თავმჯდომარე გიგა ბოკერია.
ყრილობა ბიზნეს ცენტრ „მოზაიკაში“ 14:00 საათზე დაიწყება.