სოციალურ ქსელში ვრცელდება ინფორმაცია , რომ აბაშის რაიონის სოფელ მაცხოვრისკარის საჯარო სკოლის ისტორიულ შენობას დაშლა და სხვაგან გადატანა ემუქრება.
,,შენობა ძველია და სასკოლო/სასწავლო გამოწვევებს ვეღარ პასუხობს, როგორც გავიგე, გადაწყვიტეს დაშალონ და მის ადგილას ააშენონ ახალი სკოლის შენობა, ისეთი, როგორიც სოფელს სჭირდება და უნდა ჰქონდეს კიდეც, მაგრამ იქნებ ჯობდა ახალი შენობისთვის სხვა ადგილი მოეძებნათ, ეს კი ადგილზე დაეტოვებინათ, ან სოფლის მუზეუმად გადაეკეთებინათ, ან არაფორმალური განათლების ცენტრად, კინო-კლუბად თუ სოფლის კვლევით ცენტრად, სოფლის არქივა'' – წერს ინტერნეტმომხმარებელი ანა მარგველაშვილი.
მაცხოვრისკარის საჯარო სკოლა 1888 წელს აიგო. სკოლის სამშენებლო მასალად გამოყენებულ იქნა მაცხოვრისკარის შობის ტაძრისა და თავად ჯაიანის სახლის ფიცრები. თავდაპირველად სკოლა 2 წლიანი იყო, აქ მღვდელი ჭანტურაია ასწავლიდა სოფლის ბავშვებს. რევოლუციის შემდეგ სკოლა გახდა 4 წლიანი გახდა, 1933 წელს კი სენობას მინაშენი გაუკეთდა და 7 წლიანი გახდა . 2017 წელს სკოლას დანიელ თოფურიას სახელი მიენიჭა.
ჩვენი მხრიდან დავძენთ, რომ ისტორიულ ფასეულობას წაროადგენს არა მხოლოდთავად შენობა, არამედ ადგილიც, რომელზედაც ის არის აგებული – ის ჩინებულად არის ჩაწერილი ამ სივრცეში და ამ ჰარმონიის დარღვევა გამართლებული არ იქნება.