თურქეთ-საქართველოს საზღვარზე დაწესებულ ახალ რეგულაციებს მოსახლეობა აპროტესტებს. ამ წუთებში სარფში ის ადამიანები არიან შეკრებილი, რომლებიც ყოველდღიურად თურქეთში, საქართველოს საზღვართან ახლომდებარე ქალაქებში მუშაობენ. მათი განცხადებით, ახალი რეგულაციის მიხედვით, თურქეთის ტერიტორიაზე შესვლის 90-დღიანი ვადის გამოყენების შემდეგ, მომდევნო 3 თვის განმავლობაში მეზობელ ქვეყანაში ბინადრობის უფლებისა და სამუშაო ვიზის გარეშე ვეღარ შევლენ. მოქალაქეების თქმით, შეზღუდვა უმუშევრობას იწვევს და შემოსავლის გარეშე რჩებიან.აქციაზე უფლებადამცველი თამაზ ბაკურიძეც იმყოფება."მოქალაქეებს ყოველდღიურად თურქეთის ტერიტორიაზე საზღვრის გადაკვეთა შეეძლო, თუმცა ახალი რეგულაციის მიხედვით თურქეთში ერთი საათით გადასვლა მოქალაქეს საზღვრის კვეთის ერთ დღედ ეთვლება. 90 დღის ამოწურვის შემდეგ კი ისინი თურქეთში ვერ გადავლენ. მოქალაქეები ლუკმა-პურის ფულს თურქეთის ქალაქებში შოულობენ, სადაც დასაქმებული არიან",- განაცხადა თამაზ ბაკურიძემ.მოქალაქეების დაშლას სამართალდამცავები ცდილობენ.

 

წყარო: interpressnews.ge