საფეხბურთო კლუბ ლანჩხუთის "გურიას” დირექტორის მოადგილეს, ნუგზარ ჩხაიძეს უკვე მეორედ კითხავენ. ის პირველად ფოთის პოლიციაში იმყოფებოდა გამოკითხვაზე. ჩხაიძე ადასტურებს, რომ მსაჯთან კომუნიკაცია ჰქონდა, თუმცა, თამაშებთან დაკავშირებულ გარჩევას უარყოფს.გავრცელებული ინფორმაციით, საგამოძიებო მოქმედებების ფარგლებში მსაჯის ტელეფონის ჩანაწერებია ამოღებული და სავარაუდოდ, ამ ჩანაწერებიდან გამომდინარე უნდა გამოიკითხოს.ნუგზარ ჩხაიძე აცხადებს, რომ არ იცის, რა კითხვები აქვს გამოძიებას.ოჯახი კი ნუგზარ ჩხაიძეც ილო ტუღუშზე განხორციელებულ მუქარაში ადანაშაულებს.შეგახსენებთ, რომ მსაჯის გარდაცვალების საქმეში გამოძიებამ ზეწოლისა და მუქარის ვერსიის შესწავლა დაიწყო.მატჩების მსაჯი ილო ტუღუში სამართალდამცველებმა ჩამომხრჩვალი რამდენიმე დღის წინ იპოვეს.მსაჯის მეუღლის ინფორმაციით, ილია ტუღუშს გარდაცვალებამდე ერთი დღით ადრე სახლში სამმა პირმა მოაკითხა, რომლებიც მას ემუქრებოდნენ და ფულს სთხოვდნენ.მომხდარზე სისხლის სამართლის საქმე 115-ე მუხლით მიმდინარეობს, რაც თვითმკვლელობამდე მიყვანას გულისხმობს..
საფეხბურთო კლუბ ლანჩხუთის “გურიას” დირექტორის მოადგილეს, ნუგზარ ჩხაიძეს ზუგდიდის პოლიციაში კითხავენ
Published on