ესპანეთში, ანდალუზიის რეგიონში სარკინიგზო ავარია მოხდა.
მატარებელი, რომელიც მალაგადან სევილიის მიმართულებით მოძრაობდა, ლიანდაგებიდან გადავიდა. მედიის ცნობით, მატარებელში 79 მგზავრი იმყოფებოდა.
ავარიის შედეგად 27 ადამიანი დაშავდა, მათგან ორი მძიმე მდგომარეობაშია. დაშავებულები ვერტმფრენით საავადმყოფოში გადაიყვანეს.
ავარიის გამომწვევი მიზეზები უცნობია.
