მეუფე იაკობის განცხადებით, ამერიკა საქართველოს სტრატეგიული პარტნიორია და ის ერთადერთი შემაკავებელი ფაქტორია რუსეთის ,რათა არ გაგრძელდეს საქართველოს ოკუპაცია.
,,მე ვფიქრობ ჩემი აზრია,ერთადერთი შემაკავებელი ფაქტორი იმის,რომ ჩვენი ტერიტორიების ოკუპაცია არ მოხდეს არის ჩვენი სტრატეგიული პარტნიორი აშშ. ამიტომ მასთან ურთიერთობა არის ჩვენთვის ძალიან მნიშვნელოვანი. ჩვენზე ათასი ჭორი თუ მართალი ითქმება ხოლმე, ქართული ეკლესია ყოველთვის იქნება ის, სადაც სჭირდება საქართველოს ტერიტორიის გამთლიანებას“-ამბობს მეუფე იაკობი
იგი აგრეთვე გამოეხმაურა სინოდის წევრების ნაწილის განცხადებებს კათოლიკოს-პატრიარქის მიერ თანამოსაყდრის დასახელებასთან დაკავშირებით – მისის აზრით პატრიარქმა თანამოსაყდრე იმიტომ დაასახელა, რომ გარედან ჩარევა აეცილებინა თავიდან.
„გარედან ჩარევის პროცესები რომ იყოს, რომ დასრულდეს ეს გარედან ჩარევის პროცესები და მერწმუნეთ, რომ ეკლესია ძირითადი ვექტორიდან არ გადაუხვევს. გარეშე ფაქტორები ხედავთ რომ რაც მიდის ეკლესიაზე საუბარი, პირადად ჩემი მისამართით რაც მიდის საუბარი არის ხოლმე ძირითადად ცილისწამება. ჩვენ ვერ გამოვალთ და თავის მართლებას ვერ დავიწყებთ იმიტომ, რომ ღმერთი თვითონ იესო არ იმართლებდა თავს,“-განაცხადა მეუფე იაკობმა .