ხანძარი ბათუმში. მოქალაქეებისთვის მოქმედებს „ცხელი ხაზი“ – 595950925

0
360
ბათუმში, სასტუმრო ”ლეო გრანდში” გაჩენილი ხანძრის გამო  აჭარის სასწრაფო დახმარების სამსახური მუშაობის საგანგებო რეჟიმზე გადავიდა. სასტუმროდან ხალხის ევაკუაცია მიმდინარეობს.  მატი  გამოყვანა გაძნელებულია ძლიერი დაკვამლიანების გამო.
 
სასწრაფო დახმარების პრესსამსახურის განცხადებთ , ამ დროის მონაცემებით, გარდაცვლილია ოთხი მოქალაქე, რომელთა ვინაობა ჯერჯერობით უცნობია. 
დაშავებულია 10 ადამიანი, მათგან რვას კვამლისგან ინტოქსიკაცია აღენიშნება, ორ დაშავებულს კი სხეულის მცირედი დაზიანება აქვს. დაშავებულებს შორის არის სამაშველო სამსახურის ერთი თანამშრომელი. ისინი ბათუმის ოთხ სხვადასხვა კლინიკაში არიან მოთავსებულნი. 
 

ბათუმში ამ დრომდე მიმდინარეობს ხანძრის სალიკვიდაციო სამუშაოები. ადგილზე მობილიზებულია აჭარის საგანგებო სიტუაციების მართვის სამმართველოს 13 სახანძრო-სამაშველო მანქანა და 100-ზე მეტი მეხანძრე-მაშველი. ხანძრის ქრობის პროცესში უკვე ჩაერთნენ მეხანძრე-მაშველები და სახანძრო-სამაშველო ტექნიკა გურიის და სამეგრელოს რეგიონებიდან. 
 
შეტყობინება ბათუმში, სასტუმრო „ლეო გრანდში" გაჩენილ ხანძართან დაკავშირებით შინაგან საქმეთა სამინისტროს გადაუდებელი დახმარების ოპერატიული მართვის ცენტრ „112“-დან საგანგებო სიტუაციების მართვის სააგენტოში 20:01 სთ-ზე შევიდა  
 
შსს ცნობით, ბათუმში გაემგზავრნენ ვიცე-პრემიერი, შინაგან საქმეთა მინისტრი გიორგი გახარია და ჯანდაცვის მინისტრის მოადგილე ზაზა სოფრომაძე.  სასტუმრო „ლეო გრანდში" გაჩენილ ხანძართან დაკავშირებით უკვე ამოქმედდა მართვის ცენტრი, რომელსაც საპატრულო პოლიციის დეპარტამენტის აჭარის მთავარი სამმართველოს უფროსი, ლევან მაისურაძე ხელმძღვანელობს. მოქალაქეებისთვის მოქმედებს „ცხელი ხაზი“ – 595950925.
 
 
მომხდარ ფაქტთან დაკავშირებით, გამოძიება საქართველოს სისხლის სამართლის კოდექსის 187-ე მუხლის მეორე ნაწილით დაიწყო“, – ნათქვამია შსს-ს განცხადებაში.
 
 

წინა სტატიაზუგდიდის საკრებულოს ოპოზიციამ საკომისიო განხილვის გარეშე ბიუჯეტში დარჩენილი თანხების განკარგვის საკითხს მხარი არ დაუჭირა
შემდეგი სტატია,,ლეო გრანდში” გაჩენილი ხანძრის მსხვერპლთა რიცხვი გაიზარდა. შსს ცნობით, გარდაცვლილია 12 ადამიანი
ტელეკომპანია ოდიშის საინფორმაციო სამსახური