ლონდონში გამართულ კონფერენციაზე ანაკლიის პორტისა და ქალაქ ანაკლიის პროექტებზე იმსჯელეს

0
439
ევროპის განვითრებისა და რეკონსტრუქციის ბანკის (EBRD) სათავო ოფისში საქართველოს საინვესტიციო შესაძლებლობების შესახებ კონფერენცია OUTLOOK ON GEORGIA 2017 ჩატარდა. 
 
საგარეო საქმეთა სამინისტროს ცნობით, ფორუმზე განიხილეს საქართველოს ეკონომიკის მზარდი სფეროები და საინვესტიციო შესაძლებლობები ინფრასტრუქტურის, ტურიზმისა და საბანკო-საფინასო სექტორებში.
 
კონფერენციაზე ფარგლებში გაიმართა სამი სადისკუსიო პანელი: საქართველოს აბრეშუმის გზის გზაჯვარედინზე – შესაძლებლობები ინფრასტრუქტურაში და რეგიონული ინტეგრაცია, საქართველოს ფინასური სექტორი და ტურიზმი.
 
კონფერენციაზე  იმსჯელეს ანაკლიის პორტისა და ქალაქ ანაკლიის პროექტებზე, როგორც  საქართველოს ეკონომიკურ გარემოსა და პოტენციალის  მაჩვენებელზე.
 
აღსანიშნავია, რომ  „ანაკლიის განვითარების კონსორციუმი“ EBRD-ის მიერ ორგანიზებული კონფერენციის მთავარი პარტნიორია. 
 
ანაკლიის პორტის მშენებლობა 2017 წლის 20 დეკემბერს იწყება. ნავსადგურის პირველი ფაზა 2021 წელს ამოქმედდება, როდესაც პორტი პირველ გემებს მიიღებს. პროექტის განხორციელება სულ 9 ფაზად იგეგმება და მისი მთლიანი ბიუჯეტი 2.5 მილიარდი აშშ დოლარია. 
წინა სტატიაგრაკლიანის გორაზე აღმოჩენილი უძველესი წარწერა იშლება. მდგომარეობა საგანგაშოა
შემდეგი სტატიათურქეთში ბინების ძარცვაში ეჭვმიტანილი სამი ქართველი დააპატიმრეს
ტელეკომპანია ოდიშის საინფორმაციო სამსახური