დაივიწყეთ ფაროსანას მოყენებული ზარალის კომპენსაცია. არც პენსია გაიზრდება, არც სოციალური დახმარება, გაიზრდება მხოლოდ სახელმწიფოს ვალები

0
460
”ნაციონალური მოძრაობის“ წევრის, რომან გოცირიძის განცხადებით, ბიუჯეტის პროექტი, რომელიც მთავრობამ წარადგინა, არ განსხვავდება პირველი პროექტისგან. როგორც მან ჟურნალისტებთან საუბარში განმარტა, 2018 წლის ბიუჯეტის პროექტი არის დაუბალანსებელი და გამეორებულია ძველი შეცდომები. 
 
„წარმოდგენილი ბიუჯეტი არაფერით განსხვავდება იმ ვარიანტისგან, რასაც ვიხილავდით ერთი თვის წინ.
ბიუჯეტი 38 მილიონით გაზრდილია. ამბობდნენ, რომ ფული არ არის, მაგრამ გამოძებნეს და ის დაწვრილმანებით გადანაწილდა სხვადასხვა მიმართულებით.
 
ყველამ იცის, რომ პენსია არ მატულობს. ბოლო ორი წლის განმავლობაშიც არ მოუმატია. თუნდაც, რომ ჩაწერონ 10, ან 20 ლარი, ეს მაინც იქნება იმის გარანტია, რომ 2019 წელს მაინც გაიზრდება პენსია. ამასაც კი არ აკეთებენ და როგორც ჩანს, საერთოდ არ აინტერესებთ პენსიების ზრდა და მომავალ არჩევნებამდე დაივიწყეს ხალხი.
 
ეს არის დაუბალანსებელი ბიუჯეტი და იმეორებს იმ შეცდომებს, რაც იყო ლარის გაუფასურების ერთ–ერთი წყარო. ეს ბიუჯეტი, ვერ შეუწყობს ხელს ქვეყნის ეკონომიკურ გაუმჯობესებას“, – განაცხადა რომან გოცირიძემ
წინა სტატიადღეს თბილისის ოპერის თეატრში ბიორკის მეორე სოლო კონცერტი გაიმართება
შემდეგი სტატიაოქტომბერში ფასები ჯანმრთელობის დაცვაზე 5,8%-ით გაიზარდა, საკვებ პროდუქტებზე ხომ ნუღარ იტყვით – საქსტატის სავალალო სტატისტიკა
ტელეკომპანია ოდიშის საინფორმაციო სამსახური