თურქეთ-ერაყის საზღვარზე მომხდარ შეირაღებულ დაპირისპირებას რვა ადამიანის სიცოცხლე ემსხვერპლა. თურქული მედიის ინფორმაციით, დაღუპულია თურქეთის ძალოვანი უწყებების 4 თანამშრომელი და 4 ქურთი მებრძოლი. სასაზღვრო ზონაში თურქმა სამხედროებმა ვერტმფრენის დახმარებით „ქურთისტანის მუშათა პარტიის“ წევრების წინააღმდეგ სამხედრო ოპერაცია დაიწყეს, რომლებმაც საზღვარი სავარაუდოდ ჰაკარის პროვინციის მთიან ზონაში გადაკვეთეს. „ქურთისტანის მუშათა პარტიამ“ სეპარატისტული ამბოხი 1984 წელს დაიწყო. მოძრაობა თურქეთის, აშშ-სა და ევროკავშირის მიერ ტერორისტულ დაჯგუფებადაა აღიარებული.