აჭარაში უამინდობაა. ძლიერმა ქარმა ბათუმში ექვსი მაისის პარკში მაგნოლიის ხე მოგლიჯა. დაზიანდა ახლოს მდებარე მოსასვენებელი სკამები. ხეები წაიქცა ქობულეთშიც. ძლიერი წვიმის გამო, მუნიციპალიტეტში ისევ გააქტიურდა მეწყრული მოვლენები. სოფელ ჩაისუბანში მეწყერმა საფრთხე შეუქმნა კონცელიძეების საცხოვრებელ სახლს. შეზღუდვებია ელექტროენერგიის მიწოდების კუთხით. ექვსი სოფელი ამ დროისთვის უშუქოდ არის დარჩენილი.