ტელედებატები „არჩევნები 2017“ „ოდიშის“ პირდაპირ ეთერში 12 ოქტომბერს, საღამოს გაიმართა, მასში მონაწილეობა მიიღეს კვალიფიციური საარჩევნო სუბიექტების პროპორციული სიის პირველმა ნომრებმა. „ქართული ოცნება“- მამუკა წოწერია, „ნაციონალური მოძრაობა“ – ანა წითლიძე, „ევროპული საქართველო“- ბათლომე შელია, „პატრიოტთა ალიანსი“- კახაბერ სარია, „თავისუფალი საქართველო“- გურგენ სართანია. საკრებულოს თავმჯდომარეობის კანდიდატებმა უპასუხეს ჟურნალისტების შეკითხვებს, ადგილობრივი მოსახლეობის პრობლემებზე საკუთარი ხედვა წარმოადგინეს, ასევე უპასუხებს არასამთავრობო სექტორის კითხვებს, ფეისბუკიდან შემოსულ კითხვებს. დებატები კანდიდატების დაპირისპირების ფონზე მიმდინარეობდა. ცხარე კამათი მოყვა აზიურ ფაროსანასა და თვითმმართველი ქალაქის სტატუსის გაუქმებაზე დასმულ შეკითხვებს. ასევე დებატებში კამათი მოყვა ისეთ საკითხებს, როგორიცაა ადმინისტრაციული რესურსის გამოყენება, ზეწოლა პედაგოგებსა და აქტივისტებზე. გადაცემის სტუმრებმა მაყურებელს ის პროგრამები გააცნეს, რომლის განხორციელეებასაც ისინი ხელისუფლებაში მოსვლის შემთხვევაში გეგმავენ. მომავალ კვირად ტელედებატებში ზუგდიდის მერობის კანდიდატები ჩაერთვებიან.