ათონის მთაზე 80 წლიანი პაუზის შემდეგ უწყვეტი ქართული წირვა-ლოცვა აღდგა.

0
655
 ათონის  მთაზე 80 წლიანი პაუზის შემდეგ უწყვეტი ქართული წირვა-ლოცვა აღდგა. – ინფორმაციას ამის ესახებ ათონის წმიდა მთის წმინდა დიდმოწამე პანტელეიმონის სახელობის მონასტერში მოღვაწე ქართველი ბერი, მამა ერმოლაოსი (ჭეჟია) ავრცელებს
 
 
 
"მეგობრებო, ეს საქართველოს უახლესი ისტორიის ერთ-ერთი უმნიშვნელოვანესი მოვლენაა! – წერს იგი – უკანასკნელად უწყვეტი წირვა-ლოცვა ქართველი ბერების მიერ აღესრულებოდა პანტელეიმონის მონასტრის კუთვნილ წმ. სტეფანეს სახ. სენაკში, სადაც 1919 წელს ივერონის მონასტრის სენაკიდან გამოყრილმა 17 ქართველმა შეაფარა თავი. სამწუხაროდ, 1932 წლის 4 სექტემბერს (ძვ, სტილით) ამ სენაკს ხანძარი გაუჩნდა, რომელმაც რამდენიმე ბერი იმსხვერპლა, სრულიად დაიწვა ბიბლიოთეკა და არქივი. მას შემდეგ ათონზე ქართულ ენაზე უწყვეტი წირვა-ლოცვა ბერებს აღარ აღუვლენიათ.''
 
 
გილოცავთ ჩემო მეგობრებო, ვულოცავ მთელ საქართველოს ამ დიად მოვლენას და ყველას გთხოვთ, ვილოცოთ ერთად ახალ ქართულ სავანეში მოღვაწე ბერებისთვის: წინამძღვარი – არქიმანდრიტი გრიგოლი, საძმო: მღვდელმონაზონი ეგნატე, ბერი მალაქია და მორჩილი დავითი", – ნათქვამია მამა ერმოლაოსის წერილში.
 
წინა სტატია,,თუ ვაჟკაცი ხარ, აქაც გამომიარე” – მიხეილ სააკაშვილი იაროშს უკრაინის უშიშროების სამსახურში მისვლამდე შინ ეპატიჟება
შემდეგი სტატიაადამიანის უფლებათა უმაღლესი კომისარი საქართველოს ოკუპირებულ ტერიტორიებზე საერთაშორისო ორგანიზაციების შეშვებას ითხოვს
ტელეკომპანია ოდიშის საინფორმაციო სამსახური