მთავარისიახლეებისაზოგადოებაწაღვერის ტყის ხანძრის ჩაქრობაში დღეს დილიდან აზერბაიჯანული ვერტმფრენი ერთვება

წაღვერის ტყის ხანძრის ჩაქრობაში დღეს დილიდან აზერბაიჯანული ვერტმფრენი ერთვება

Published on

წაღვერის ტყეში ისევ ხანძარია. გუშინ ცეცხლის ჩაქრობას ცოცხალი ძალა და ავიაცია ცდილობდა.. დღეს  დილიდან  ცეცხლის ჩაქრობის სამუშაოებში ორ ქართულ ვერტმფრენთან ერთად, ერთი აზერბაიჯანული  ვერტმფრენიც ჩაერთვება, იგი  უკვე შემოფრინდა  ბორჯომის ხეობაში
 
როგორც საგანგებო სიტუაციების მართვის სააგენტოში განმარტავენ, რთული რელიეფისა და მეტეოროლოგიური პირობების მიუხედავად, შსს-ს საგანგებო სიტუაციების მართვის სააგენტოს 250-მდე მეხანძრე-მაშველი, შსს-ს განსაკუთრებულ დავალებათა დეპარტამენტის 300-მდე თანამშრომელი და ეროვნული სატყეო სააგენტოს წარმომადგენლები, ცეცხლის ქრობის ინტენსიურ სამუშაოებს ახორციელებენ, რათა ხანძრის ლიკვიდაცია უმოკლეს დროში მოხდეს.
 
მათივე ცნობით, ხანძრის სალიკვიდაციო სამუშაოებში, ასევე, ჩართულია 20-მდე მაღალი გამავლობის მძიმე ტექნიკა, 18 ხანძარსაწინააღმდეგო ტექნიკა, შსს-ს სასაზღვრო პოლიციის და კომპანია „თუშეთის“ ვერტმფრენები. საჰაერო ტექნიკამ დღის განმავლობაში 104 გაფრენა განახორციელა და ცეცხლის კერებს 215 ტონა წყალი დაასხა.ხანძრის კერების მონიტორინგს საქართველოს საჰაერო ნავიგაციის ვერტმფრენი ახორციელებს.
 
მიუვალ ადგილებში სხვადასხვა მიმართულებით მძიმე ტექნიკის დახმარებით 6 კილომეტრამდე გზა გაიჭრა. ხანძრის კერებთან შეყვანილია ხანძარსაწინააღმდეგო ტექნიკა“, – ნათქვამია ინფორმაციაში. 
 
საგანგებო შტაბში ამბობენ, რომ ხანძრის შეჩერება მოხერხდა და მისი გავრცელების საფრთხე არ არსებობს., ახლა მისი სრული ლიკვიდაციის საკითხი დგას. 
ნახანძრალ ტერიტორიაზე გუშინ  ექსპერტები ჩავიდნენ და შეაფასეს, რა დრო და რესურსი დასჭირდებოდა განადგურებული ტყის აღდგენას. მათი განცხადებით, დაწყებულია ეროზიული პროცესები და არის მეწყრის საფრთხე.
 

სიახლეები

საერთოდ ჩაიტანოს თუ უნდა დედამიწამ! – ნიკა გვარამია ივანიშვილზე

„კოალიცია ცვლილებისთვის“ ლიდერი ნიკა გვარამია აცხადებს, რომ მხარს უჭერს დიდი ბრიტანეთის მთავრობის მიერ ტელეკომპანიების...

ქვემო ფონიჭალაში მომხდარ აფეთქებაზე გამოძიება დაიწყო

ქვემო ფონიჭალაში მომხდარ აფეთქებასთან დაკავშირებით გამოძიება სისხლის სამართლის კოდექსის 240-ე პრიმა მუხლის პირველი ნაწილით...

აშშ-ის, ჩინეთისა და რუსეთის ლიდერებს შორის პირველი სამმხრივი შეხვედრა დასრულდა

აშშ-ის, ჩინეთისა და რუსეთის ლიდერებს შორის პირველი სამმხრივი შეხვედრა დასრულდა. ამის შესახებ ინფორმაციას რუსული...

გერმანიის საელჩო “რუსთავი 2-ს” დეზინფორმაციის გავრცელებაში ადანაშაულებს

გერმანიის საელჩო ტელეკომპანია „რუსთავი 2-ს“ დეზინფორმაციის გავრცელებაში ადანაშაულებს. დიპლომატიური უწყების განცხადებით, ტელევიზიამ საქართველოს მეხუთე...