დღეს 11:00 საათზე წმინდა დიდმოწამე ქეთევან დედოფლის წმინდა ნაწილებს მუზეუმიდან სამების საკათედრო ტაძარში გადაასვენებენ.

0
477
დღეს  11:00 საათზე წმინდა დიდმოწამე ქეთევან დედოფლის წმინდა ნაწილებს მუზეუმიდან  სამების საკათედრო ტაძარში  გადაასვენებენ.
 
პატრიარქი, უწმინდესი და უნეტარესი, ილია მეორე ამასტრან დაკავშირებით სადღესასწაულო წირვას აღავლენს. 
25 სექტემბერს, 13:00 საათზე, ლუსკუმას წმინდანის ნაწილებით კახეთში ალავერდის საკათედრო ტაძარში გადააბრძანებენ, სადაც 26 სექტემებრს, ქეთევანობის დღესასწაულზე იქნება დასვენებული. შემდეგ სიწმინდე სხვა ეპარქიებსაც მოივლის.
 
 
 
წმინდა დედოფლის წმინდა ნაწილები  გუშინ დროებით ჩამოაბრძანეს საქართველოში  ინდოეთიდან, სადაც იგი მისი  წამების მხილველმა კათოლიკური ორდენის წარმომადგენლებმა, ავგუსტინელებმა წაასვენეს წამების სემდეგ.  
მათ ნადირთა საჯიჯგნად დატოვებული გვემული სხეული   დიდი პატივით წაასვენეს, საკმევლით და მურით გაჟღენთილ ქსოვილში გაახვიეს და  ქალაქ გუაში არსებულ დაგრასას მონასტერში დაავანეს.  შემდგომში მიწისძვრის შედეგად მონასტერი დაინგრა და წმინდა დედოფლის საფლავი დიდხანს ითვლებოდა დაკარგულად, იგი ინდოელ არქეოლოგებთან და ექსპედიციის წევრებთან ერთად, ავჭალის წმინდა ქეთევან დედოფლის ტაძრის წინამძღვარმა დეკანოზმა გიორგი რაზმაძემ 2006 წელს აღმოაჩინა. 
 

 
სიწმინდეს თბილისის აეროპორტში სრულიად საქართველოს კათოლიკოს–პატრიარქი, უწმინდესი და უნეტარესი, ილია მეორე მღვდელმთავრებთან და მრევლთან ერთად დახვდა. 
აეროპორტიდან წმინდა დედოფლის ნაწილი მუზეუმში გადააბრძანეს. 
 
 
წინა სტატიაწაღვერის ტყის ხანძრის ჩაქრობაში დღეს დილიდან აზერბაიჯანული ვერტმფრენი ერთვება
შემდეგი სტატიაშავი ზღვის სანაპირო ზოლზე საშტორმო მდგომარეობაა გამოცხადებული
ტელეკომპანია ოდიშის საინფორმაციო სამსახური