,,ქართუ ბანკი” ივანიშვილის შავი ფულის სარეცხი მანქანაა – დაპირისპირება „ბანკი ქართუს“ ოფისთან „ნაციონალური მოძრაობის” წევრებსა და სამართალდამცავებს შორის

დათუკიშვილი პოლიციისგან აღნიშნული პირის იდენტიფიცირებას ითხოვს და განმარტებს, რომ ის თანაგუნდელს მშვიდად ესაუბრებოდა, როცა მასთან ერთ-ერთი მამაკაცი მივიდა და სახეში ხელი დაარტყა.

„მე აუცილებლად მოვახდენ ამ ადამიანის იდენტიფიცირებას. წესრიგის დამცველი, რომელიც წესრიგის დამრღვევად იქცა, აუცილებლად გისოსებს მიღმა აღმოჩნდება. მე ვერ გეტყვით, ვინ იყო ის. არსებობს ვიდეოკადრები, რომლითაც მისი იდენტიფიცირება შეიძლება“, – განაცხადა მარიკა დათუკიშვილმა.

.სიტუაცია მალევე განიმუხტა. შეკრებილ მოქალაქეებს „ნაციონალური მოძრაობის“ ლიდერები მიმართეს ისინი „ „ქართუ ბანკს“ ფულის გათეთრებაში ადანაშაულებენ. ეს არ არის ბანკი, ამას ვერ დაუძახებ ბანკს, ეს არის ხარკის ამკრეფი ორგანიზაცია, რომელიც ყოველთვიურად საქართველოს მოსახლეობისგან კრეფს ხარკს, ერთი ადამიანის გასამდიდრებლად. ეს არის შავი ფულის სარეცხი მანქანა ივანიშვილის ხელში, რომელსაც შესდის ყოველთვიურად მილიონები და ამ მილიონებს რას ახმარს – ხელისუფლების წარმომადგენლებს, "ქართული ოცნების" წინასაარჩევნო კამპანიის დაფინანსებას და ეს ხდება ჩვენი და ჩვენი შვილების ხარკზე. კიდევ ერთხელ ვიმეორებ, არ დავუშვებთ, რომ ჩვენი შვილების გაღარიბების ხარჯზე გამდიდრდეს ერთი ადამიანი,“-განაცხადა „ნაციონალური მოძრაობის“ თბილისის მერობის კანდიდატმა  ზაალ  უდუმაშვილმა.მან  „ქართუ ბანკს“ ქაჯეთის ციხე უწოდა და განაცხადა, რომ საპროტესტო აქციები „ქართუ ბანკთან“ პერმანენტულ ხასიათს მიღებს.

 

აქცია „ქართუ ბანკთან“ ამ დროისთვის დასრულებულია, თუმცა აქციის მონაწილეები  ტერიტორიას ჯერ არ ტოვებენ.