გუშინ კიევის ცენტრში ავტომობილი აფეთქდა, რა დროსაც ჩეჩნური წარმოშობის საქართველოს მოქალაქე, თემურ მახაური, იგივე რუსლან პაპასკირი, მეტსახელად ”ზოონი” დაიღუპა. მასთან ერთად მყოფი ქალი დაშავებულია, ბავშვი კი გადარჩა.
უკრაინაში საქართველოს ელჩის, გელა დუმბაძის განცხადებით კიევში მომხდარ აფეთქებას ტერაქტის კვალიფიკაცია მიენიჭა.
მისივე თქმით, საქმე გამოსაძიებლად უკრაინის შინაგან საქმეთა სამინისტროდან უკრაინის უშიშროების სამსახურში გადაინაცვლებს.
”მომხდარს უკვე მიენიჭა ტერაქტის კვალიფიკაცია. გარდაცვლილი ადამიანი არის ეროვნებით ჩეჩენი, საქართველოს მოქალაქე. საელჩოს საკონსულო განყოფილებისთვის დამატებით თხოვნით არავის მიუმართავს გადმოსვენებაზე, ან რაიმე სხვა საკითხთან დაკავშირებით. უკრაინელ სამართალდამცველებთან მუდმივ კონტაქტზე ვიმყოფებით”, – განაცხადა გელა დუმბაძემ.