გუშინ ბათუმში, ხიმშიაშვილის ქუჩაზე, სასტუმრო "ეიფორიასთან'' ახლოს მშენებარე საცხოვრებელი კორპუსიდან 30-წლამდე ასაკის ორი მამაკაცი ჩამოვარდა და ადგილზე გარდაიცვალა. ორივე კომპანია "მეტროს" თანამშრომელია.
მუშების დაღუპვის მიზეზი, ერთ-ერთი ვერსიით, ტექნიკური გაუმართაობა გახდა. ამ ვერსიის თანახმად, მუშები ამწე კრანის საშუალებით კორპუსის მაღალ სართულთან იმყოფებოდნენ, რა დროსაც ამწე მოწყდა.
კომპანია "მეტროს" დირექტორის რაულ კახაძე ამ ვერსიას გამორიცხავს, მისი თქმით, ამწეები გამართული იყო და ამის დამამტკიცებელი დოკუმენტაციაც არსებობს.
"მშენებლობაზე დაცულია უსაფრთხოების ნორმები და ამას გამოძიებაც დაადგენს. , – განაცხადა კახაძემ.
იგი უსამძიმრებს გარდაცვლილების ოჯახს და აცხადებს, რომ მუშები დაზღვეულები იყვნენ და შესაბამისად, მათი ოჯახები კომპენსაციას მიიღებენ. მომხდარის მიზეზებს კი გამოძიება დაადგენს.
შინაგან საქმეთა სამინისტროს ინფორმაციით, გამოძიება სისხლია სამართლის კოდექსის 240-ე მუხლით დაიწყო, რაც გულისხმობს სამშენებლო სამუშაოების წარმოებისას უსაფრთოების წესების დარღევევას, რამაც ადამიანის გარდაცვალება გამოიწვია.