ხულოში, შავნაბადას მთაზე ხანძრის სალიკვიდაციო სამუშაოებში კლიმატური პირობების გამო ავიაცია ჯერჯერობით ვერ ერთვება. ხანძრის სალიკვიდაციო შტაბი დილიდანვე შეიკრიბა და მუშაობა განაახლა. კლიმატური პირობების გამო ავიაცია სამუშაოებში ამ ეტაპზე ვერ ერთვება.
,,დღეს დილიდან მთაში წვიმს. დაეცა ტემპერატურა. არის საკმაოდ ძლიერი ნისლი. კლიმატური პირობების გამო ცოცხალი ძალა ჯერ ლოკაციებთან მისული არ არის. მუშაობს მძიმე ტექნიკა. ამ ეტაპისთვის დაახლოებით 50-მდე ადამიანი გასულია სხვადასხვა ლოკაციაზე, რომ ადგილზე შეაფასოს ვითარება“, – განაცხადა აჭარის მთავრობის თავმჯდომარე ზურაბ პატარაძემ.