უხვი ნალექის გამო, ხელვაჩაურის მუნიციპალიტეტის სოფელ სამებაში მეწყერი ჩამოწვა. შემთხვევის შედეგად არავინ დაშავებულა. აღნიშნულის გამო სოფელში საავტომობილო გზაზე მოძრაობა შეზღუდულია. როგორც ხელვაჩაურის მუნიციპალიტეტის გამგეობაში აცხადებენ, უამინდობასთან დაკავშირებით, ხელვაჩაურის მუნიციპალიტეტში სტიქიასთან ბრძოლის შტაბი საგანგებო რეჟიმში მუშაობს.