ღამის ეკონომიის განვითარებაზე და ამ მიმართულებით სამუშაო ადგილების შექმნაზე ისაუბრა თბილისის მერობის კანდიდატმა კახა კალაძემ ქალაქის განვითარების პროგრამული ხედვის პრეზენტაციაზე ,რომელიც გუშინ გამართა პარტიის ცენტრალურ ოფისში
„ბევრ ევროპულ ქალაქში ეს სიახლეა. ამ მიმართულებით დაწყებული აქვთ მუშაობა და გამონაკლისი ჩვენი ქალაქიც არ იქნება. ღამის ეკონომიკის განვითარება მცირე და საშუალო ბიზნესის განვითარებისა და ახალი სამუშაო ადგილების შექმნის საშუალებას მოგვცემს. ჩამოყალიბდება და განხორციელდება ღამის ეკონომიკის კონცეფცია, რომელიც უბნების განვითარებას და ახალი სივრცეების ათვისებას უზრუნველყოფს“, – განაცხადა მან
მისივე განმარტებით, ღამის კულტურული ცხოვრების გამოცოცხლება, ახალ სტარტაფებს წაახალისებს და ქალაქის საგადასახადო შემოსავლებს გაზრდის.
„იქნება გათვლილი ტურისტული პოტენციალი და ქალაქის ინტერესებისთვის ამის სწორად გამოყენება. მიხარია, რომ ყოველწლიურად ტურისტული ნაკადი ჩვენს დედაქალაქში იზრდება, თუმცა მეტი შესაძლებლობები გვაქვს იმისთვის, რომ თბილისი უცხოელი ტურისტებისთვის უფრო მიმზიდველი გახდეს“, – განაცხადა კახა კალაძემ
,,იმედია, ,,ქართული ოცნების'' ასი და მეტი საწარმო, რომელიც დღისით გუგუნებს, ღამით მოგუდულად იგუგუნებს'' – წერენ სოციალურ ქსელში.