სოფელ ოჟიოში ხანძრის შედეგად "ზილის" მარკის ავტომობილი და ერთ ჰექტარზე მეტი ფართობი დაიწვა. ცეცხლი ავტომობილს შეკეთების პროცესში გაუჩნდა, რომელიც შემდეგ ავტოფარეხზე და სათავსოზე გავრცელდა, რომელშიც თივა იყო.ხანძრის ჩაქრობაზე ახმეტისა და თელავის სამი სახანძრო სამაშველო ჯგუფი მუშაობდა.სახანძრო სამაშველო სამსახურის ინფორმაციით ამ დროისათვის ხანძარი ლიკვიდირებულია.,,სატვირთო ავტომანქანაზე ძარა იყო დამაგრებული და რთველისთვის ამზადებდნენ. შეკეთების დროს ცეცხლი მოეკიდა, რის შედეგადაც გაზის "ბალონები" აფეთქდა. ძლიერი ხანძარი იყო და ცეცხლის სოფელში გავრცელების საფრთხე არსებობდა. ზარალი საკმაოდ დიდია“, – განაცხადა გამგებლის წარმომადგენელმა სოფელ ოჟიოში, იოსებ ჯავახიშვილმა.