ბოლო დღეებში მომხდარი ორი საზღვაო კატასტროფა ბრაზილიის წყლებში

0
484
 ბრაზილიაში,   ბაჰიას რაიონში ყოვლადწმინდათა ყურეში   გადაბრუნდა სამგზავრო ბორანი, რომლის ბორტზეც 130 -მდე ადამიანი იმყოფებოდა.
ადგილზე სამაშველო ოპერაცია მიმდინარეობს.   ოფიციალური პირების ინფორმაციით, დადასტურებულია, რომ  კატასტროფას  22 ადამიანი ემსხვერპლა.
მათ შორისაა ერთი წლის ბავშვი, რომლის ამოყვანა წყლიდან მაშველებმა  შეძლეს, მაგრამ სასწრაფო დახმარების მანქანაში გარდაიცვალა.
დანარჩენი მგზავრები კი დაკარგულად მიიჩნევიან. ,,დაკარგულების ძებნა მიმდინარეობს წყალზეც და წყალქვეშ'' – აცხადებს ბრაზილიიის სამაშველო სამასახურის წარმომადგენელი ავგუსტო ლიმა. 
 
ეს ბრაზილიის წყლებში ბოლო  დღეების  განმავლობაში მომხდარი მეორე საზღვაო კატასტროფაა.
ორი დღის წინ გამთენიისას კიდევ ერთი სამგზავრო ბორანი  პარას შტატის სანაპიროსთან ჩაიძირა. ბორანზე 70 ადამიანი იმყოფებოდა.
ამ ინცინდენტის შედეგად 10 ადამიანი დაიღუპა, 35 კი დაკარგულად ითვლება. არიან გადარჩენილებიც, ყველა მათგანს სხვადასხვა ხარისხის დაზიანებები აღენიშნება. 
გამოძიება ორივე კატასტროფის მიზეზის დადგენაზე მუშაობს. ბაჰიასა და პარაში სამ დღიანი გლოვაა გამოცხადებული.
 
 

 

წინა სტატიარკინიგზის დეპარტამენტის პასუხი კითხვაზე, რატომ დაარბიეს მოშიმშილე და გაფიცული რკინიგზელები
შემდეგი სტატია“რეალმა” ზინედინ ზიდანს კონტრაქტი გაუგრძელა
ტელეკომპანია ოდიშის საინფორმაციო სამსახური