სროლები და ხანძარი ოკუპირებულ ტერიტორიაზე რუსეთის საოკუპაციო ძალების წვრთნებს უკავშირდება – აცხადებენ სუს-ის პრესსამსახურში

0
394
ოკუპირებულ სამხრეთ ოსეთში  საზღვრის მიმდებარე ტერიტორიაზე   სროლები ისმის და ტექნიკის გადაადგილება შეინიშნება – ინფორმაცია ამის შესახებ ცოტახნის წინ გავრცელდა სოციალურ ქსელებში.
 სახელმწიფო უსაფრთხოების სამსახური ადასტურებს, რომ ოკუპირებულ ტერიტორიაზე,  ორჭოსანის ბაზაზე რუსი ოკუპანტები გააქტიურდნენ, გამოიყვანეს გარკვეული ტექნიკა, იყო სროლა.
უწყებაში აცხადებენ, რომ ოკუპირებულ ტერიტორიაზე  რუსეთის საოკუპაციო ძალების წვრთნები მიმდინარეობს, რასაც უკავშირდება სროლები.
აღნიშნულ ინფორმაციასთან დაკავშირებით საქმის კურსში იქნა ჩაყენებული ევროკავშირის სადამკვირვებლო მისია. 
სუსის მიერ ცხელი ხაზით მიღებული ინფორმაციით, სროლების შედეგად ორჭოსნის ტყის მიმდებარე ტერიტორიაზე  მცირე  ხანძარიც გაჩნდა.   ადგილზე მისული არიან  საოკუპაციო ძალების შესაბამისი ე.წ. სამაშველო სამსახურები, რომელნიც ირწმუნებიან, რომ ცეცხლს უმოკლეს დროში ჩააქრობენ. 
 
წინა სტატიაამერიკის ხმის ქართული რედაქციის ჟურნალისტი ნანა საჯაია “ამერიკის ხმამ” ოქროს მედლით დააჯილდოვა
შემდეგი სტატიავინ არის მალხაზ ჯავოევი, რომელიც მოსკოვში ბალერინას მკვლელობის ბრალდებით დააკავეს?
ტელეკომპანია ოდიშის საინფორმაციო სამსახური