მთელი ღამის განმავლობაში, განსაკუთრებულ დავალებათა დეპარტამენტის თანამშრომლები ხანძრის ჩაქრობას სპეციალური აღჭურვილობით – ალტერნატიული ცეცხლმაქრი საშუალებებით ცდილობდნენ. მუშაობს ცოცხალი ძალა, საავიაციო და მძიმე ტექნიკა. ხანძრის კერებთან მისასვლელად მაშველები გზის გაჭრას განაგრძობენ. უახლოეს პერიოდში სალიკვიდაციო ღონისძიებებში, შესაძლოა, შეერთებული შტატებისა და ისრაელის სპეციალური ტექნიკაც ჩაერთოს. საპარლამენტო უმრავლესობის ლიდერის ინფორმაციით, მოლაპარაკებები რამდენიმე ქვეყანასთან მიმდინარეობს, მათ შორის ევროკავშირთან.