ოფიციალური ფხენიანი აშშ-სა და სამხრეთ კორეის ერთობლის სამხედრო წვრთნებზე განცხადებას აკეთებს.ჩრდილოეთ კორეის არმიას ნებისმიერ დროს შეუძლია შეტევა მიიტანოს აშშ-ზე და არც გუამი, არც ჰავაის კუნძულები და არც აშშ-ს კონტინენტალური ტერიტორია „თავიდან ვერ აიცილებენ ჩრდილოეთ კორეის უმოწყალო თავდასხმას“. აღნიშნული განცხადება ჩრდილოეთ კორეის სამთავრობო მედიის საშუალებით სამხრეთ კორეასა და აშშ-ს შორის სამხედრო წვრთნების დაწყებამდე ერთი დღით ადრე გავრცელდა. გასულ კვირას ოფიციალურმა ფხენიანმა განაცხადა, რომ მათ შემუშავებული აქვთ გეგმა გუამის კუნძულზე მდებარე აშშ-ს სამხედრო ბაზებზე შეტევის განხორციელების თაობაზე.