ბანკომატის ქურდობის მცდელობის ფაქტი გახსნილია

0
407
2017 წლის 24 მაისს, სენაკში დისლოცირებული სამხედრო ნაწილის საცხოვრებელი კორპუსის მიმდებარე ტერიტორიაზე განთავსებული სს "საქართველოს ბანკი"-ს ბანკომატის ქურდობის მცდელობის ფაქტი გახსნილია. – ინფორმაციას ამის შესახებ საქართველოს თავდაცვის სამინისტრო ავრცელებს. 
 
საქართველოს თავდაცვის სამინისტროს სამხედრო პოლიციის დეპარტამენტისა და საქართველოს მთავარი პროკურატურის მიერ გატარებული ოპერატიულ-საგამოძიებო ღონისძიებების შედეგად მოპოვებული მტკიცებულებების საფუძველზე აღნიშნულ დანაშაულში მონაწილე ერთ-ერთი პირი მ.წ. დაკავებულია, ხოლო კიდევ ერთ თანამზრახველზე თ.შ-ზე გამოცხადებულია ძებნა.  
 
მ.წ.-ს და თ.შ.-ს (დაუსწრებლად) ჩადენილი დანაშაულისათვის წარედგინათ ბრალდება, ხოლო ქუთაისის საქალაქო სასამართლომ ორივე ბრალდებულს აღკვეთის ღონისძიების სახით შეუფარდა – პატიმრობა.
 
ამჟამად ტარდება აქტიური ოპერატიულ-სამძებრო ღონისძიებები მიმალვაში მყოფი ბრალდებულის ადგილსამყოფელის დადგენა-დაკავების და დანაშაულში მხილებული სხვა პირთა სისხლისსამართლებრივი პასუხიმგებლობის საკითხის გადაწყვეტის მიზნით. 
 
აღნიშნული დანაშაულისათვის გათვალისწინებულია თავისუფლების აღკვეთა 8 წლამდე ვადით
 
 
 
 
წინა სტატია„თავიდან ვერ აიცილებენ ჩრდილოეთ კორეის უმოწყალო თავდასხმას“- ოფიციალური ფხენიანის განცხადება
შემდეგი სტატიაბრიტანელმა ,, ჟღარუნების მეფემ” ძველ სამარხში მეტალომძებნელით VI საუკუნის ოქროს გულსაკიდი იპოვა
ტელეკომპანია ოდიშის საინფორმაციო სამსახური